Batys Qazaqstan oblysynda 71 qoı urlaǵan kúdiktiler ustaldy

2022 jylǵy 5 qazan, 20:20
Batys Qazaqstan oblysynda 71 qoı urlaǵan kúdiktiler ustaldy

ORAL. QazAqparat – Batys Qazaqstan oblysynda 71 qoı urlaǵan kúdiktiler ustaldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, 4 qazan kúni jedel izdestirý is-sharalary barysynda Oral qalasynda 1992 jylǵy eki turǵyn qolǵa tústi.

«Kúdiktilerdi ustaý kezinde «GAZel» avtokóligi tárkilendi. Aıyptalýshylar osy kólikpen urlyq jasaǵan. Júrgizilgen tergeý amaldary nátıjesinde shopan qystaǵynda jymqyrylǵan mal sany anyqtalyp, tolyq tárkilendi. Eki kúdikti QR Qylmystyq is júrgizý kodeksiniń 128-baby tártibimen Oral qalasy polıtsııa basqarmasynyń ýaqytsha ustaý ızolıatoryna qamaldy. Qazirgi ýaqytta oblys aýmaǵynda jasalǵan qylmysqa qatysty dáleldemelik bazany jınaý jáne olardyń ashylmaǵan mal urlyǵy derekterine qatystylyǵyn tekserý jumystary júrgizilip jatyr», - dep habarlady vedomstvodan.

Eske sala keteıik, budan buryn Oral qalasynda tóbeleske qatysqan reseılikterdiń elden shyǵarylǵanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar