+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«Batys-2021»: Qazaqstan men Reseı desantshylary birlesken tapsyrmalardy oryndady

2021 jylǵy 13 qyrkúıek 21:05
Bólisińiz:
«Batys-2021»: Qazaqstan men Reseı desantshylary birlesken tapsyrmalardy oryndady

NUR-SULTAN. QazAqparat - «Batys-2021» birlesken strategııalyq oqý-jattyǵýynyń belsendi kezeńi jalǵasýda. Reseı Federatsııasynyń «Mýlıno» polıgonynda Qazaqstannyń Desanttyq-shabýyldaý áskerleriniń jáne Reseıdiń Áýe-desanttyq áskerleriniń bólimsheleri eldi mekendi shartty qarsylastan azat etti, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Desantshylar Mı-8AMTSh armııalyq avıatsııa tikushaǵynan qoný tásilimen desant túsirýdi oryndady. Áskerı kontıgentter naqty ári úılesimdi is-qımyl jasaı otyryp, eldi mekenderde qarsylastan qorǵanýdy jáne oǵan jaqyndap urys júrgizip, atys nysandaryn joıdy.

Áskerı tikushaqtar qarsylastyń nysandaryna soqqy berip, taktıkalyq desant túsirý is-qımylyn qoldady. Tapsyrmalardy oryndaýda atys aımaǵynyń kórinbeýi, manevrdiń jáne bólimshelerdi basqarýdyń kúrdeliligi qıyndyq týdyrdy.

Qorytyndylaı kele, oqý-jattyǵýdyń basshylyǵy Qazaqstan men Reseıdiń desanttyq-shabýyldaý batalondarynyń komandırleri gvardııa maıory Asqar Muhıt pen gvardııa podpolkovnıgi Ivan ıArovenko basshylyq etken qosymsha bólimshelerdiń is-qımyl úılesimdiligin atap ótti.

Atalǵan is-qımylǵa 300-den astam desant, 10-nan asa áskerı avıatsııa tikushaǵy jumyldyryldy.

Belarýs eliniń Brest polıgonynda Qazaqstan, Belarýs jáne Reseıdiń áskerı kontıngentteri Il-76MD ushaqtarynan túnde desant túsirýdi oryndady. Oqý-jattyǵýdyń josparyna sáıkes 1500 metr bıiktikten túnde kóretin qurylǵylardy paıdalana otyryp, arnaıy jasaq desant túsirýge arnalǵan alańdardy basyp aldy. Olar jaýyngerlik oqý-jattyǵý tapsyrmalaryn oryndaýǵa birden kirisip ketti.

Esterińizge sala ketsek, «Batys – 2021» birlesken strategııalyq oqý-jattyǵýy Reseı jáne Belarýs elderiniń áskerı polıgondarynda bir ýaqytta ótýde. Bul birlesken manevrler zańsyz qarýlanǵan quramalarmen kúresýge baǵyttalǵan.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT