+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

Batyr ataǵyna usynylǵan qazaq jigiti Jeńiske sanaýly kúnder qalǵanda Berlın túbinde qaza tapty

2020 jylǵy 9 mamyr 13:08
Bólisińiz:
Batyr ataǵyna usynylǵan qazaq jigiti Jeńiske sanaýly kúnder qalǵanda Berlın túbinde qaza tapty

ATYRAÝ. QazAqparat – Budan 75 jyl buryn Keńes Odaǵynyń Batyry ataǵyna usynylyp, biraq Jeńiske sanaýly kúnder qalǵanda qaıtys bolǵan jaýyngerdiń biri – Jámil Jumashev. Ol aǵasy Rahymmen birge 1942 jyly Mahambet aýdanynyń Jalǵansaı aýylynan soǵysqa attanǵan. Sol kezde 23 jasta bolǵan. Aǵaly-inili Jumashevter maıdan dalasynan oralmaı qalǵan, dep habarlaıdy QazAqparat.

/

Olardyń deregin inisi Shámil Kákishev uzaq jyl izdestirgen. Aldymen habar-osharsyz ketken Rahym Jumashevtiń deregi anyqtalǵan. Ol 1944 jyly Belarýs Respýblıkasynyń Vıtebsk oblysyndaǵy shaıqasta erlikpen qaza tapqan. Bul shaıqas Panovo selosynyń mańynda bolǵan.

Al, Jámil Jumashev bastapqyda Stalıngrad qalasy mańyndaǵy shaıqasqa qatysqan. Ol otbasyna eki ret aýyr jaralanǵany jóninde hat jazǵan. Biraq, aýyr jaralansa da, elge oralmaǵan. Keıin Kákishevter otbasyna 2015 jyly Qazaqstan Respýblıkasynyń Germanııadaǵy elshiliginen Jámil Jumashevtiń 1945 jylǵy 27 sáýirde Tempelhof aýdanynda erlikpen qaza tapqany týraly habar kelgen eken. Týystary uzaq jyl izdegen qazaq jaýyngeri sondaǵy baýyrlastar zıratynda jerlengeni anyqtalǵan.

Shámil qarııanyń Tóleýhan esimdi nemeresi Jámil Jumashev týraly derekti Reseıdiń Podolsk qalasyndaǵy áskerı muraǵatynan izdestirgen eken. Bul muraǵatta vzvod komandıri Jámil Jumashevtiń 1945 jyly Keńes Odaǵynyń Batyry ataǵyna usynylǵany týraly derek saqtalypty. Bul – 39-gvardııalyq atqyshtar dıvızııasynyń komandıri, polkovnık Marchenkonyń qoly qoıylǵan usynys. Oǵan 28-gvardııalyq atqyshtar korpýsynyń komandıri, general-leıtenant Ryjov mór soqqan. Osy qujatqa áskerı qolbasshy, general-polkovnık V.Chýıkov pen áskerı keńes múshesi, general-maıor A.Pronınniń kelisimi tirkelgen.

Soǵys jyldarynda mundaı joǵary ataqqa kez kelgen jaýynger usynylmaǵan. Osy turǵydan alǵanda Jámil Jumashevtiń erligi komandırlerin tánti etken bolýy kerek. Óıtkeni, qazaq jaýyngeri Dnestr ózeniniń oń jaǵalaýyndaǵy keskilesken shaıqasta jaýdyń jasyrynǵan oshaǵyn tapqan. Qaısarlyǵymen, tabandylyǵymen kózge túsken qazaq jaýyngeriniń erligi «Dańq» ordenimen, «Erligi úshin» medalimen atalyp ótken.

Al, Berlınniń ońtústik-shyǵysyndaǵy shaıqasta granatamen fashıstiń 2 pýlemetiniń únin óshirip, avtomatymen 20 soldatyn joıǵan. Alaıda, Jeńis saǵaty soǵardan birneshe kún buryn qazaq jaýyngeri qaza tapqan. Onyń súıegi Berlın túbinde jerlengen.

Qazaqtyń qaısar jaýyngeri Jámil Jumashev Keńes Odaǵynyń Batyry ataǵyna usynylǵanymen, ony alyp úlgergen joq. Tipti onyń mundaı marapatqa laıyq ekeni týystaryna habarlanbaı qalǵan.


foto:facebook/Zhenis Kenzhesuly Kuspan


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT