+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Batalov memlekettik qyzmetshilerdiń basseındi tegin paıdalanýyna tyıym saldy

2021 jylǵy 28 qyrkúıek 14:28
Bólisińiz:
Batalov memlekettik qyzmetshilerdiń basseındi tegin paıdalanýyna tyıym saldy

TALDYQORǴAN. QazAqparat - Almaty oblysynyń ákimi júzý basseıine qarapaıym turǵyndardy da kirgizýdi tapsyrdy. Sebebi jańadan ashylǵan basseınde tek oqýshylar ǵana jattyǵyp, al turǵyndardyń ol jerge sýǵa túsip, shynyǵýyna ruqsat berilmegen, - dep habarlaıdy QazAqparat tilshisi.

Uqsas jańalyqtar
Almaty oblysynyń aýdandyq aýrýhanasynda ókpesi tolyq zaqymdanǵan júkti áıel jazylyp shyqty Almaty oblysynda koronavırýs juqtyrǵandar sany eki esege azaıdy

Búgin oblys ákimi Amandyq Batalov sport salasynyń birqatar máseleleri boıynsha jıyn ótkizdi. Basqosýda Taldyqorǵandaǵy júzý basseıniniń jumysyna qatysty másele de kóterildi. Amandyq Batalov basseınniń eń aldymen qala turǵyndary úshin salynǵanyn aıtty. «Nege qarapaıym azamattar basseınge bara almaıdy?», - dedi ákim.

Jabyq júzý basseıniniń dırektory Mereı Súıinovtiń aıtýynsha, mekemeniń basqarý formasy «Sý sporty túrleri boıynsha oblystyq mamandandyrylǵan mektep» KMM bolyp qurylǵandyqtan eresekterge aqyly qyzmet kórsetýge zańdyq quqyǵy joq ekenin, al abonementtik qyzmet kórsetý úshin basqarý formasyna ózgertý engizý kerektigin jetkizdi. Sol sııaqty qazirgi kezde basseın sanıtarlyq-epıdemıologııalyq talaptarǵa sáıkes keshki saǵat 17.00-ge deıin ǵana jumys istep tur. Qalypty jaǵdaıda sporttyq mekeme óz jumys ýaqytyn túngi saǵat 22.00-ge deıin uzarta alady.

«Árıne, onda kásibı sportshylar, balalar jattyǵýy tıis. Basqa qalalardaǵy sporttyq komandalardan da bizdiń 52 metrlik basseınde jattyǵýǵa suranystar túsip jatqanyn bilemin. Biraq sporttyq nysan qala turǵyndaryna da mindeti túrde qyzmet kórsetýi tıis. Basseınniń basqarý qurylymyn qalaı ózgertesińder, abonement arqyly qyzmet kórsetýdi qalaı jolǵa qoıasyńdar, osynyń bárin júıelep, naqty usynys ákelý úshin 10 kún ýaqyt beremin. Birden aıtaıyn, memlekettik qyzmetshilerdiń basseındi tegin paıdalanýyna tyıym salamyn. Qarapaıym halyqpen qatar abonement satyp alyp barsyn. Basseınge arnaıy gıd shtatyn belgileńder. Ol nıet bildirgenderge barlyq basseın, fıtnes zaldaryn aralatyp, tanystyratyn maman bolýy kerek. Árıne, basseın jumysynda barlyq sanıtarlyq talaptardy qatań saqtaý – eń basty nazarda bolýy tıis, - dedi A. Batalov.

Eske salsaq, búgingi kúni jabyq júzý basseıninde 21 jattyqtyrýshy 1126 balany sý sportynyń úsh túrine jattyqtyrýda. Kezekte taǵy 2 myńnan astam bala tur. Jattyqtyrýshylardyń jumysqa tartylýyna qaraı balalar irikteýge kezek retimen shaqyrylatyn bolady. Sonymen qatar múmkindigi shekteýli jandardyń júzýmen aınalysýyna arnaıy ýaqyt belgilengen.

Aıta keteıik, halyqaralyq standartqa saı júzý basseıni Taldyqorǵanda bıyl shilde de Elorda kúninde ashylyp, paıdalanýǵa berildi.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT