Bastaýysh synyp oqýshylaryn tegin ystyq tamaqpen qamtý 10 paıyzǵa ósti
2022 jylǵy 21 maýsym 15:06

Bastaýysh synyp oqýshylaryn tegin ystyq tamaqpen qamtý 10 paıyzǵa ósti

NUR-SULTAN. QazAqparat – jańa oqý jylynda Almaty qalasynyń 1-4 synyp oqýshylary tegin ystyq tamaqpen qamtylady. Bul jaıynda QR Oqý-aǵartý vıtse-mınıstri Ǵanı Beısembaev aıtty, dep habarlaıdy QazAqparat tilshisi.

«Balalar jylynda» bastaýysh synyp oqýshylaryn tegin ystyq tamaqpen qamtý 10 paıyzǵa ósti. Bul baǵytta Nur-Sultan, Shymkent qalalary, Atyraý, Batys Qazaqstan, Qaraǵandy, Pavlodar oblystarynyń jumysyn ataýǵa bolady. Jańa oqý jylynan bastap Almaty qalasy da 1-4 synyp oqýshylaryn tegin ystyq tamaqpen qamtýdy josparlap otyr», - dedi Ǵanı Beısembaev mınıstrliktiń apparat jınalysynda.

Onyń atap ótýinshe, «Oqýǵa qushtar mektebi» respýblıkalyq jobasy aıasynda balalar arasynda oqyrmandar qozǵalysy jandandyryldy. Mektep kitaphanalarynyń kitap qory 2,2 mıllıon dana jańa kórkem, balalar ádebıetimen jańartyldy. Balalardyń quqyqtaryn qorǵaý salasyndaǵy volonterlik qozǵalysqa serpin berildi. Úıde oqıtyn balalarǵa kómek kórsetýge 63 myńnan astam eriktiler qatysty.

«5-11 synyptarda jańa oqý jylynan bastap azamattyqty, adaldyqty, parasattylyqty, etıkany, medıasaýattylyqty, qarjylyq saýattylyqty qamtıtyn «Patrıotızm jáne jahandyq quzyretter» kýrsy engiziledi», - dedi vıtse-mınıstr.


Jańalyqtar

Úrdis

MURAǴAT