+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Bastaý, Demeý, Sheber – aýyl turǵyndary úshin agrarlyq oqytý kýrstary bastalady

2020 jylǵy 18 aqpan 11:30
Bólisińiz:
Bastaý, Demeý, Sheber – aýyl turǵyndary úshin agrarlyq oqytý kýrstary bastalady

NUR-SULTAN. QazAqparat – Ulttyq agrarlyq ǵylymı bilim berý ortalyǵy aldaǵy jyldary Qazaqstanda 200 bilim taratý ortalyǵyn ashýdy kózdep otyr, dep habarlaıdy QazAqparat tilshisi.

«2018 jyly Elbasy Nursultan Nazarbaev aýyl turǵyndaryna sharýashylyqty júrgizý daǵdylaryn úıretý boıynsha júıe qurýdy tapsyrǵan edi. Biz bul rette úsh deńgeıli júıeni qalyptastyramyz. Olardyń birinshisine oqý-ádistemelik ortalyq sıpatyndaǵy respýblıkalyq deńgeıdegi úsh ýnıversıtet jatady. Ekinshisi – oblystyq deńgeıdegi ǴZI men tájirıbeli sharýa qojalyqtar. Úshinshisi aýdandyq deńgeıdegi – agrokolledjder. Bul aıtarlyqtaı bıýdjet qarajatyn talap etpeıdi», - dedi Ulttyq agrarlyq ǵylymı bilim berý ortalyǵynyń basqarma tóraǵasy Tóleýtaı Raqymbekov Májilistiń agrarlyq máseleler komıtetiniń agrarlyq ǵylymdy, bilim jáne óndiristi ıntegratsııalaý máseleleri boıynsha otyrysynda.

Onyń aıtýynsha, ortalyq aldaǵy jyldary Qazaqstanda 200 bilim taratý ortalyǵyn ashýdy kózdeıdi.

«Fýnktsıonaldyq turǵyda bilim taratý júıesi úsh deńgeıden turady. Alǵashqysy – «Bastaý». Ol boıynsha jumysyn endi ǵana bastap jatqan fermerler men aýylda ózin-ózi jumyspen qamtýshylar sapaly ári naryqta suranysy bar ónimdi shyǵarý isi boıynsha oqytylady. Ekinshisi – Demeý. Bul deńgeı boıynsha qalyptasyp qalǵan fermerler jańa tehnologııalardy paıdalanyp, ónimniń básekege qabilettigin, eńbektiń ónimdiligin arttyrý jáne jer qunarlylyǵyn arttyrý ádisterin úırenedi. Úshinshi deńgeı «Sheber» dep atalady. Bul deńgeı boıynsha eksportqa shyǵýǵa áleýetti taýar óndirýshiler oqytylady», - dedi ol.

Aıta ketsek buǵan deıin Tóleýtaı Raqymbekov otandyq agrarlyq ǵylymnyń basty problemalaryn ataǵan bolatyn. Onyń aıtýynsha, bizdegi agrarlyq ǵylymnyń basty máselesi – bilim berý, transfert pen kommertsııalyq tehnologııalardy usyný boıynsha uıymdastyrý jumysynyń álsizdigi bolyp otyr.


Bizdiń kanalymyzǵa jazylyńyz:

Basty sózder: Bilim, JOO-lar, Aýyl sharýashylyǵy,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT