+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Basshylyq vaktsına almaǵan qyzmetkerdi jumystan shyǵara ala ma - mınıstrlik túsindirdi

2021 jylǵy 13 shilde 14:56
Bólisińiz:
Basshylyq vaktsına almaǵan qyzmetkerdi jumystan shyǵara ala ma - mınıstrlik túsindirdi

NUR-SULTAN. QazAqparat – Eńbek jáne halyqty áleýmettik qorǵaý mınıstri Serik Shárkenov COVID-19 ınfektsııasyna qarsy vaktsına almaǵan adamardyń jumystan qandaı jaǵdaıda shettetiletinin túsindirdi, dep habarlaıdy QazAqparat tilshisi.

Uqsas jańalyqtar
Elimizde qansha adamnyń koronavırýs vaktsınasyn saldyrǵany belgili boldy Atyraýda vaktsına saldyrǵan 18 jasar bozbala mıllıoner atandy Ózbekstanda ekpe naýqany bastalǵaly vaktsınanyń 18 mln dozasy salyndy

QR Densaýlyq týraly kodeksiniń 77-baby boıynsha erikti vaktsınatsııadan bas tartqan jaǵdaıda jumys berýshi qyzmetkerdi jumystan shyǵarýǵa quqyly ma? Konstıtýtsııanyń 14-babyna qaramastan, vaktsınadan bas tartýyna baılanysty jumys berýshi qyzmetkerdiń bedelin túsirýge jáne kemsitýge quqyly ma?

Ashyq dıalog portalynda Serik Shápkenovtiń atyna osyndaı suraq túsken bolatyn.

«Halyq densaýlyǵy jáne densaýlyq saqtaý júıesi týraly» QR Kodeksiniń 77-babyna sáıkes kez kelgen medıtsınalyq rásim, onyń ishinde vaktsınatsııa ekpe alýshynyń kelisimimen ǵana júrgiziledi. QR zańnamasynda vaktsınatsııadan bas tartqany úshin ákimshilik nemese qylmystyq jaýapkershilik qarastyrylmaǵan», - dep jazylǵan mınıstrdiń jaýabynda.

Vdeomstvo basshysy saýal ıesine Qazaqstan aýmaǵyna ınfektsııalyq jáne parazıttik aýrýlardyń ákelinýi jáne Qazaqstan Respýblıkasynyń búkil aýmaǵyna taralý qaýpi tóngen jaǵdaıda densaýlyq kodeksiniń 104-babynyń 1-tarmaǵy boıynsha QR Bas memlekettik sanıtarııa dárigeri Eýrazııa ekonomıkalyq odaǵynyń kedendik shekarasymen tuspa-tus keletin QR Memlekettik shekarasy arqyly ótkizý pýnktilerinde shekteý sharalaryn, onyń ishinde karantın engizetinin eskertken.

Sondaı-aq, Qazaqstan Respýblıkasynyń búkil aýmaǵynda kásipkerlik jáne ózge de qyzmetnysandary, halyqtyń ómir súrý qalyby erekshe erejelerge baǵyndyrylatyny aıtylǵan.

«Osyǵan baılanysty, Qazaqstan Respýblıkasynyń Bas memlekettik sanıtar dárigeri tıisti qaýlylar qabyldaıdy. Bas memlekettik sanıtar dárigerdiń №67 qaýlysynda kórsetilgen uıymdardyń/obektilerdiń COVID-19-ǵa qarsy vaktsına almaǵan (turaqty medıtsınalyq qarsy kórsetilimderi bar jáne sońǵy 3 aı ishinde COVID-19-men aýyryp jazylǵan adamdardy qospaǵanda) qyzmetkerler úshin kúndizgi rejımde jumysqa jiberilýine shekteý engizildi», - deıdi Serik Shápkenov.

Atalǵan qaýlynyń 6-1-tarmaǵynyń 1) tarmaqshasynda kórsetilgen uıymdardyń vaktsına almaǵan qyzmetkerleri 7 kúnde bir ret PTR-tes tapsyryp turýǵa mindettelgen.

Osyǵan baılanysty, jumys berýshi:

a) COVID-19-ǵa qarsy vaktsınatsııalaýdy almaǵan jumyskerge qashyqtyqtan jumys nysanyna kóshýdi usynýǵa (mundaı múmkindik bolǵan jaǵdaıda) quqyly;

b) Qazaqstan Respýblıkasy Eńbek kodeksiniń 48-babynyń 1-tarmaǵyna sáıkes qashyqtan jumys isteýden bas tartqan ne jumysty oryndaý múmkindigi bolmaǵan kezde jalaqysy saqtalmaı shettetiledi.

Bul rette, jumys berýshi ýaqytsha bolmaǵan qyzmetkerdiń mindetterin oryndaý úshin basqa qyzmetkerdi qabyldaýǵa quqyly bolady.

c) jumysty qashyqtan oryndaý múmkindigi bolmaǵan jaǵdaıda jáne qyzmetker jumysty kúndizgi rejımde júzege asyrýǵa tilek bildirse, qyzmetker óz esebinen mindetti PTR-testileýden (7 kúnde 1 ret) ótýi qajet.

Sonymen birge, taraptardyń kelisimi boıynsha mindetti PTR-testileý (7 kúnde 1 ret) jumys berýshiniń qarajaty esebinen júzege asyrylýy múmkin.

«Osylaısha, jumys berýshi vaktsınatsııadan bas tartýǵa baılanysty qyzmetkerdi jumystan shyǵarýǵa quqyly emes. Sonymen qatar, qyzmetkerler ózderiniń eńbek quqyqtaryn qorǵaý úshin jumys berýshiniń ornalasqan jeri boıynsha tıisti ákimshilik-aýmaqtyq birliktiń eńbek ınspektsııasy jónindegi basqarmasyna ótinish jasaýǵa quqyly», - dep jazylǵan resmı jaýapta.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT