Basketboldan Qazaqstan quramasy álem chempıonatynyń ekinshi aınalymyna shyqty
2022 jylǵy 5 shilde 14:33

Basketboldan Qazaqstan quramasy álem chempıonatynyń ekinshi aınalymyna shyqty

NUR-SULTAN. QazAqparat - Basketboldan Qazaqstan quramasy 2023 jylǵy álem chempıonaty irikteý satysynyń ekinshi aınalymyna shyqty, dep habarlaıdy QazAqparat tilshisi.

Qazaqstandyq basketbolshylar D tobynda synǵa tústi. Ulttyq qurama Sırııa men Irandy eki-ekiden jeńse. Bahreındi bir márte súrindirip, jarystyń kelesi aınalymyna joldamaǵa erterek qol jetkizdi. Altynshy kezdesýde Bahreınge ese jibergenmen, ol týrnır kestesindegi kórsetkishke keri áserin tıgizgen joq.

Endi qazaqstandyq basketbolshylar Bahreın, Iran quramalarymen birge Avstralııa, Qytaı jáne Japonııamen joldamany sarapqa salady. Alǵashqy úsh oryndaǵy quramalar álem chempıonatyna qatysady.

Qazaqstandyq basketbolshylar buǵan deıin birde-bir márte atalǵan dodada baq synaǵan emes.

Іrikteý oıyndary bıylǵy tamyz, qarasha jáne 2023 jyldyń aqpan aıynda ótkiziledi.

Dúbirli doda 2023 jyldyń 25 tamyz jáne 10 qyrkúıek aralyǵynda Japonııa, Fılıppın jáne Indonezııa memleketterinde ótkiziledi.

Eske salsaq, budan buryn fýtboldan Qazaqstan quramasy FIFA reıtıngisinde 11 catyǵa joǵarylady.


Foto: nbf.kz

Jańalyqtar

Úrdis

MURAǴAT