+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Bashqurtstanda ótken Folklorıadada qazaqstandyq ártis naǵashy atasymen qaýyshty

2021 jylǵy 10 shilde 19:41
Bólisińiz:
Bashqurtstanda ótken Folklorıadada qazaqstandyq ártis naǵashy atasymen qaýyshty

NUR-SULTAN. QazAqparat – Ýfa (Úfi) men Bashqurtstan aýdandarynda ótken VI CIOFF Dúnıejúzilik Folklorıadasynda Qazaqstan Respýblıkasynyń Ulttyq gvardııasynyń Án-bı ansambli óner kórsetti. Ansambldiń erler horynyń solısi Baýyrjan Altynbekov Bashqurtstanda óziniń atasymen qaýyshty, dep habarlaıdy QazAqparat bashinform.ru saıtyna silteme jasap.

Uqsas jańalyqtar

Ýfaǵa kelgen kúni ol anasynan Bashqurtstanda týystary bar ekenin bilgen.

«Meniń marqum ájem Tanzılııa Aksanovna taza bashqurt bolǵan. Bizdiń atamyzdyń ákesi áskerı qyzmette júrgendikten, ony jumys baby boıynsha Túrikmenstanǵa jibergen. Sol jerde ájem óziniń bolashaq kúıeýi – meniń qazaq atammen tanysqan. Bir-eki kún buryn anam týystarynyń barlyǵy, onyń ishinde ájemniń týǵan aǵasy da Ýfa qalasynda turatynyn aıtty. Rafael Razakovıch Hasanov – 70 jasta, zeınette. Bizdiń úıdegilerdiń barlyǵynyń shashtary qara, tek anam ǵana jıren shashty bashqur», - dep aıtyp berdi Baýyrjan «Bashınformǵa».

Ókinishke oraı, ýfalyq týystar densaýlyqtaryna baılanysty «Serdtsa Folklorıady» kontsertterinde bola almady. Alaıda Baýyrjan olardyń úıine bardy. Kópten kútken kezdesý jaqsy ótti, týystar birge shaı ishti.

«Apta boıy kezdesýge asyǵyp júrdik. Bir-birimizdi kórgen kezde atam meni birden tanyp, qushaǵyna qysty», - dedi Baýyrjan.

«Endi bir-birimizben baılanysty úzbeımiz, jazysyp, habarlasyp otyramyz!» - dep kelisti bir-birin uzaq jyldardan keıin tapqan týystar. Rafael Razakovıch Qazaqstandaǵy týystaryna jalyndy sálem joldady.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT