Bas Prokýratýra tártipsizdikter men terrorıstik shabýyldan qaza bolǵandardyń jalpy sanyn atady
2022 jylǵy 15 qańtar 21:17

Bas Prokýratýra tártipsizdikter men terrorıstik shabýyldan qaza bolǵandardyń jalpy sanyn atady

NUR-SULTAN. QazAqparat – Elimizde engizilgen Tótenshe jaǵdaı kezinde qaıtys bolǵandardyń jalpy sany belgili boldy, dep habarlaıdy QazAqparat tilshisi.

Bul týraly QR Bas prokýratýrasy qylmystyq qýdalaý qyzmetiniń bastyǵy Serik Shalabaev Ortalyq kommýnıkatsııalar qyzmetinde ótken brıfıngide málim etti.

«Adam shyǵyny bolǵan oqıǵalardy tergep, tekserýge erekshe nazar aýdarylýda. Búgingi kúni 4578 jábirlenýshi anyqtaldy. Onyń 4353-i jaralandy. Onyń ishinde 3393 quqyq qorǵaý organdarynyń qyzmetkerleri. Tótenshe jaǵdaı kezinde morgterge qazaq tapqan 225 adam jetkizildi. Olardyń bir bóligi terraktilerge qatysqan, ǵımarttar men quqyq qorǵaý qyzmetkelerine shabýyl jasaǵan qarýly bandıtter. Qaza bolǵandardyń ishinde 19 polıtsııa jáne ásker qyzmetkerleri de bar. Atalǵan derekter aldyn ala sıpatta. Olar áli naqtylanyp jatyr, ózgerýi de múmkin. Degenmen, árbir fakt muqııat tekseriledi, nátıjesi boıynsha quqyqtyq baǵa beriledi «, - dedi Bas prokýratýra ókili.

Aıta keteıik, búgin Prezıdent Qasym-Jomart Toqaev kúshtik qurylymdardyń basshylarymen keńes ótkizip , Qazaqstanda, sonyń ishinde Almatyda bolǵan qaıǵyly jaǵdaılardy jan-jaqty zertteý qajettigin aıtqan bolatyn.


Jańalyqtar

MURAǴAT