Bas prokýratýra men Kazakh Invest ınvestorlar máselesin birlesip sheshedi

NUR-SULTAN. QazAqparat - 3 jeltoqsanda Bas prokýratýra men «Kazakh Invest» UK» AQ arasynda ózara yntymaqtastyq týraly memorandým jasaldy. Bul jóninde Bas prokýratýranyń baspasóz qyzmetine silteme jasap QazAqparat habarlaıdy.

Uqsas jańalyqtar

Túrkistan oblysyna 442 mlrd teńge kóleminde ınvestıtsııa tartylǵan

Byltyr Qazaqstannyń AÓK-ne 1 mlrd dollardan astam ınvestıtsııa salyndy Ómirzaq Shókeev ıtalııalyq ınvestorlarmen kezdesti Shymkent ákimi Qytaıdyń Qazaqstandaǵy elshisimen kezdesti

Memorandýmnyń basty maqsaty – ınvestorlardyń quqyqtaryn qorǵaý boıynsha prokýratýra organdary men «Kazakh Invest» arasyndaǵy birlesken is-qımyldardy júzege asyrý.

Aıta ketetin jaıt, ınvestıtsııalyq ahýaldy jaqsartý - elimizdegi ózekti máseleniń biri. Bıznesti damytý, onyń ishinde sheteldik ınvestorlardy qoldaý Memleket basshysynyń erekshe baqylaýynda. Sondyqtan prokýratýra organdary keshendi jumys júrgizýde.

«Osy rette prokýratýra organdarynyń tikeleı qatysýymen memlekettik organdardy tekserý 2 ese azaıǵan. Bızneske qoıylatyn talaptar 40% kemigen. Tekserý merzimi 30 kúnnen 15 kúnge deıin, ruqsat berý qujattarynyń sany 708 -den 316 -ǵa deıin qysqardy. Sondaı-aq, 23 quram boıynsha qylmystyq jaza mólsheri tómendetildi. Jalǵan kásipkerlik qylmystyq sıpattan aryldy. Sondaı-aq, qylmystyq jaýaptylyqtyń bastalý shegi ulǵaıtyldy, SDTBT-da tirkeý tártibi ózgertildi» delingen habarlamada.

Atap ótetini, atalǵan memorandým ınvestorlardyń ótinishine jedel áreket etýge aıtarlyqtaı septigin tıgizedi.

Bul óz kezeginde sheteldik ınvestıtsııalar úshin qolaıly jaǵdaı jasaýǵa, elimizdiń tartymdylyǵyn arttyrýǵa yqpal etedi.