+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Bas prokýratýra QDT zańsyz aktsııalaryna qatysýdan bas tartýǵa shaqyrdy

2020 jylǵy 21 aqpan 12:20
Bólisińiz:
Bas prokýratýra QDT zańsyz aktsııalaryna qatysýdan bas tartýǵa shaqyrdy

NUR-SULTAN. QazAqparat - Bas prokýratýra búgin «QDT» ekstremıstik uıymyna qatysty arnaıy brıfıng ótkizip, el turǵyndaryna atalmysh uıymnyń áreketterinen saq bolýǵa shaqyrdy, dep habarlaıdy QazAqparat.

Uqsas jańalyqtar
Qordaı oqıǵasy boıynsha 25 adam ustaldy - Bas prokýratýra Atyraýda 8 áleýmettik nysan qurylysynda múgedekterdiń jaǵdaıy eskerilmegen Tólebı aýdanynyń prokýrory jasóspirimderdiń saýaldaryna jaýap berdi

«Armysyzdar, qadirli otandastar!

Búgingi brıfıngte barshańyzdy - qoǵamymyzǵa iritki salyp júrgen qandyqol qylmyskerdiń áreketterinen saq bolýǵa shaqyramyz.

Qazaqstan demokratııalyq tańdaýy qozǵalysy ekstremıstik uıym. Ony kim basqaratynyn kópshililik bile bermeıdi.

Jetekshisi - Muhtar Ábilıazov. Onyń arbaýyna túsken keıbir azamattar - ókinishke qaraı, oǵan zor senim artady.

Esterińizge salaıyq, 90-shy jyldary ol bızneste bolyp, keıin «KEGOS» ulttyq kompanııasyn jáne Energetıka mınıstrligin basqarǵan.

Kóp uzamaı, ol - zańdy belden basyp ury, jemqor, alaıaq jáne adam óltirýshi qylmyskerge aınaldy.

Energetıka mınıstri kezinde jemqorlyq jasaǵany úshin 2002-shi jyly 6 jylǵa bas bostandyǵynan aıyrylǵan.

Qylmysyna ókinip, memleket basshysy men halyqtan keshirim surap, túzelýge ýáde bergen edi. Keshirilgen soń, bostandyqqa shyǵaryldy.

Alaıda, baılyqqa qunyǵyp, qylmystyq áreketterin ári qaraı jalǵastyrdy.

2005-shi jyly óziniń bıznes seriktesi, BTA banktiń tóraǵasy - Tátishevti óltirýdi uıymdastyrǵany ashyq sotta dáleldendi.

Qylmysker Toqmadı- Tátishevti ań aýlaý kezinde Ábilıazovtyń tapsyrysymen óltirip, ony jazataıym oqıǵa retinde kórsetkenin, ol úshin 4 mln AQSh dollaryn alǵanyn moıyndady.

Tátishevti óltirtken soń, Ábilıazov bankty ıelenip, basqarý júıesine óziniń sybaılastaryn taǵaıyndap, qylmystyq top qurǵan.

Ábilıazovtyń qylmystyq, qıturqy áreketteri san túrli bolǵan. Ózi qurǵan fırmalarǵa jalǵan qujattar arqyly mıllıardtaǵan nesıeler berip, jeke paıdasyna jaratqan.

Mysaly, ol- óz baqylaýyndaǵy jarǵylyq kapıtalynda nebári 92 myń teńgesi bolǵan «Rambýrs» seriktestigine - 103 mlrd teńge nesıe bergen.

Urlanǵan qarajattarǵa Ábilıazov aktsııalar, elıtaly úıler men páterlerdi satyp alǵan.

Otbasyna 3 ushaq satyp alyp, olardyń paıdalanylýyna bankten jylyna 1 mlrd teńge jumsap otyrǵan.

Qylmystary áshkerelengen soń, ol 2009-shy jyly Reseıge, keıin Anglııaǵa, 2012 -shi jyly Frantsııaǵa bas saýǵalady.

Shetelde jaıly ómir súrý úshin, aldyn- ala qarajatty offshor arqyly elden shyǵaryp alǵan.

Offshor degenimiz - sheteldik kompanııalardy eshkim teksermeıtin, baqylamaıtyn, shynaıy qojaıyndary belgisiz, salyq tólenbeıtin, qylmystyq qarajattardy jasyrýǵa ońtaıly memleketter.

Ol- offshorlyq memleketterdi paıdalanyp 7,5 mlrd AQSh dollaryn jymqyrǵan.

Ábilıazovtyń alaıaqtyq áreketterinen qazaqstandyqtar ǵana emes, frantsýzdar, nemister, amerıkalyqtar men basqalar da zardap shegýde.

Mıllıardtardy jymqyrǵany úshin Reseı, Ýkraına memleketteri oǵan izdeý jarııalady.

Ótken jyly Nıý-Iork soty Ábilıazovtyń - saıası qýdalaýdamyn -, degen ýájin teriske shyǵaryp, ony aıypty dep tanydy.

Londonnyń Joǵarǵy soty Ábilıazovty - alaıaq dep tanyp, odan 4 mlrd AQSh dollaryn óndirýge, jalǵan jaýap bergeni úshin 22 aıǵa bas bostandyǵynan aıyrýǵa úkim kesken.

Anglııa Іshki ister mınıstrligi- ony bosqyn mártebesinen aıyrǵan soń, ol Frantsııaǵa qashyp ketken.

Sol jerde, ol, ózin- Qazaqstan bıligimen qýdalaýda júrgen saıası qaıratker keıpinde tanytyp, demokratııa úshin kúresýshi retinde ımıdj qalyptastyra bastady.

Onyń osy ekijúzdigiliginiń maqsaty bir- qylmystyq jaýaptylyqtan jaltarý.

Aıta ketetin jáıt, 2017-shi jyly «Keshki Bishkek» basylymyna bergen suhbatynda, Ábilıazov- Qazaqstanǵa sý berýdi toqtatýdy usynǵan. Osylaısha, eldiń ońtústigin - qurǵaqshylyqtan zardap shekkizýge umtylǵan.

Qazirgi tańda oǵan qatysty kóptegen azamattyq protsester júrgizilýde.

Búginde 1 mlrd AQSh dollarynan astam qarajat qaıtaryldy.

Qylmystyq ister boıynsha 8 aıyptaý úkimi shyǵyp, 42 adam sottalǵan.

Jymqyrylǵan qarajatty qaıtarý men ony jaýapqa tartý úshin tıisti jumystar atqarylýda.

Qurmetti otandastar!

Búginde Ábilıazov- halyq múddesin jeleý etip, jalǵan uranmen azamattardy zańsyz aktsııalarǵa úgitteýin jalǵastyryp keledi.

Ol sizderdi - qoǵamda áleýmettik alaýyzdyq jáne ultaralyq qaqtyǵysty týdyrý úshin paıdalanýda. Oǵan bir-birimizge degen senimimizdi joǵaltqanymyz tıimdi.

Ábilıazovtyń kóksegeni- elimizdiń tynyshtyǵy, azamattarymyzdyń amandyǵy emes, jeke basynyń múddesi, mansaby. Ol qylmystyq jaýaptylyqtan qutylýdy kózdeıdi.

Buryn ózi jymqyrǵan Sizderdiń qarajattaryńyzdy mıtıngke shyqqandarǵa tóleýde.

Biz sizderdi arandatýshylyqqa boı aldyrmaýǵa, zańsyz aktsııalarǵa qatysýdan bas tartýǵa shaqyramyz.

Nazarlaryńyzǵa raqmet!»,-delingen Bas prokýratýranyń habarlamasynda.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT