+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Bas Prokýratýra Qazaqstannyń barlyq óńirinde jańa pılottyq jobany iske qosady

2020 jylǵy 8 qyrkúıek 12:18
Bólisińiz:
Bas Prokýratýra Qazaqstannyń barlyq óńirinde jańa pılottyq jobany iske qosady

PAVLODAR. QazAqparat – Pavlodar oblysynda sotqa deıingi tergep-tekserý satysyndaǵy negizgi sheshimderdi kelisý boıynsha pılottyq joba iske qosyldy. Bul týraly QazAqparat tilshisi Bas Prokýratýraǵa silteme jasap habarlaıdy.

Bas Prokýror Ǵızat Nurdáýletov Pavlodar oblysyna baryp, pılottyq jobanyń iske asyrylý barysymen tanysty.

Bul joba Prezıdenttiń Joldaýynda aıtylǵan azamattardyń konstıtýtsııalyq quqyqtaryna áser etetin sheshimderdi 2021 jyldan bastap prokýrorlarmen kelisý týraly tapsyrmany oryndaý aıasynda engizilýde.

Pılot barysynda kelisý elektrondy formatta júrgiziledi, bul buzýshylyqtardyń dereý jolyn kesýdi qamtamasyz etedi jáne jazyqsyz azamattardy qylmystyq protsess sheńberine tartýǵa jol bermeıdi.

Qazirgi ýaqytta mundaı mehanızm Pavlodar oblysy men ShQO-da synaqtan ótkizilýde.

Aǵymdaǵy jyldyń 1 qazanynan bastap oǵan elimizdiń barlyq óńirleri qosylady.

Osyǵan baılanysty aýmaqtyq prokýratýralar basshylaryna zańdylyqty buzýdyń jolyn kesý jáne kináli adamdardy jaýapkershilikke tartý jóninde tolyq sharalar qabyldaý týraly mindet qoıyldy.

Sonymen qatar, sapar aıasynda Bas Prokýror oblys ákimi jáne óńirdiń quqyq qorǵaý organdarynyń basshylyq quramynyń qatysýymen qylmysqa qarsy kúres jáne quqyq buzýshylyqtyń aldyn alý máseleleri boıynsha keńes ótkizdi.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT