+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Bas prokýratýra qazaqstandyqtarǵa úndeý joldady

2019 jylǵy 15 jeltoqsan 13:57
Bólisińiz:
Bas prokýratýra qazaqstandyqtarǵa úndeý joldady

NUR-SULTAN. QazAqparat – QR Bas prokýrorynyń orynbasary Bolat Dembaev Qazaqstanda ekstremıstik dep tanylǵan uıymnyń halyqty kezekti zańsyz aktsııalarǵa qatysýǵa shaqyrýyna oraı úndeý jarııalady. QazAqparat úndeýdiń tolyq mátinin jarııalaıdy.

***

Bas prokýratýranyń túsindirýine jáne ákimshilik yqpal etý sharalaryna qaramastan, jekelegen adamdar, sonyń ishinde shetelden áleýmettik jeliler arqyly halyqty aldaǵy merekelerde zańsyz mıtıngilerge qatysýǵa shaqyrýdy jalǵastyrýda.

Bul adamdar «Beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» Zańnyń (budan ári - zań) talaptaryn aıqyn buzýda.

Atap aıtqanda, josparlanǵan mıtıng týraly habarlanǵanǵa deıin uıymdastyrýshylar belgilengen kúnge deıin 10 kún buryn jergilikti atqarýshy organdarǵa jazbasha ótinish bermegen.

Onda olar: is-sharanyń maqsaty, nysany, ótkizilý ornyn nemese qozǵalys baǵyttaryn, onyń bastalý jáne aıaqtalý ýaqytyn, qatysýshylardyń boljamdy sanyn, uıymdastyrýshylardyń jáne qoǵamdyq tártipti saqtaýǵa jaýapty adamdardyń saýalnamalyq derekterin kórsetilýi tıis bolatyn.

Bul mindetti talaptar aktsııa qatysýshylarynyń ózderiniń, sondaı-aq basqa da azamattardyń qaýipsizdigin qamtamasyz etý úshin ǵana baǵyttalǵan.

Sonymen qatar, ruqsat alǵanǵa deıin uıymdastyrýshy men basqa da tulǵalardyń mıtıng týraly jarııalaýǵa, oǵan qatysýǵa shaqyrýǵa, sondaı-aq osy maqsatta paraqshalar, plakattar jáne basqa da osyndaı materıaldardy daıyndaýǵa jáne taratýǵa quqyǵy joq ekenine nazar aýdaramyz.

Basqasha aıtqanda, 16 jeltoqsanda zańsyz aktsııalardy uıymdastyrýshylardyń is-áreketterinde ákimshilik quqyq buzýshylyq belgileri baıqalady (Ákimshilik quqyq buzýshylyq týraly kodekstiń 488-baby – beıbit jınalystardy uıymdastyrý jáne ótkizý tártibi týraly zańnamany buzý).

Eger bul áreketter azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zııan keltirse, onda qylmystyq jaýaptylyq týyndaıdy (qylmystyq kodekstiń 400-baby – sanktsııalanbaǵan aktsııany uıymdastyrý ne oǵan qatysý, eger olar eleýli zalal keltirse).

Ákimshilik jáne qylmystyq-quqyqtyq sharalar osyndaı aktsııalardy qoldaıtyn adamdarǵa qatysty da birdeı dárejede qoldanylatyn bolady.

Osyǵan baılanysty, Bas prokýratýra arandatýshylyq jasamaýǵa, qoldanystaǵy zańnamany múltiksiz saqtaýǵa jáne zańsyz mıtıngilerge qatysýdan bas tartýǵa shaqyrady.

Bizdiń kanalymyzǵa jazylyńyz:

Basty sózder: QR Bas prokýratýrasy,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT