+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Bas prokýratýra 21 qyrkúıekte bolatyn sherýge qatysty halyqqa úndeý tastady

2019 jylǵy 19 qyrkúıek 17:09
Bólisińiz:
Bas prokýratýra 21 qyrkúıekte bolatyn sherýge qatysty halyqqa úndeý tastady

NUR-SULTAN. QazAqparat - QR Bas prokýratýrasynyń qoǵamdyq múddelerdi qorǵaý qyzmetiniń bastyǵy Saparbek Nurpeıisov 21 qyrkúıekte ótýi múmkin mıtıngke qatysty pikir bildirdi, dep habarlaıdy QazAqparat tilshisi.

Uqsas jańalyqtar
Mıtıngige balamen barǵandarǵa jaýapkershilik kúsheıtilmek Arýjan Saın balalardy mıtıngke alyp shyqpaýdy surady Almatyda beıbit mıtıng ótkizetin eki oryn belgilenedi

«Mıtıngterge qatysty Bas prokýratýra birneshe ret túsindirip ótti. Biraq men ruqsat berilmegen jaǵdaıda qandaı jaýapkershilik júkteletinin taǵy bir eske salǵym keledi. Bizdiń azamattardyń barlyǵy biledi, mıtıngke shyǵýdyń óz protsedýrasy bar. Mejelengen datadan 10 kún buryn ruqsat alý kerek. Eger osy tártippen ruqsat alynǵan bolsa, ony uıymdastyrýshylar eshqandaı jaýapqa tartylmaıdy. Al ruqsatsyz shyqsa, 15 kúnge qamaý jazasyna deıin qarastyrylǵan. Mıtıngti uıymdastyrýshylar azamattardyń quqyǵyna, uıymdar men memlekettiń múddesine zııan keltirse, qylmystyq jaýapkershilikke tartylady. QR QK 400-baby boıynsha 50 táýlikke deıin qamaý da bar. Sondyqtan azamattarǵa qaratyp aıtqym keledi - kóshege shyqpas buryn ruqsat alý kerek», - degen Bas prokýratýra ókili 21 qyrkúıekke josparlanǵan mıtıngke qatysý nelikten zańsyz ekenin túsindirdi.

«Qazir ózderin «DVK» dep ataıtyn uıym jaqtastary 21 qyrkúıekte kóshege shyǵýǵa úndep júr. Oǵan Qazaqstan aýmaǵynda ekstremıstik uıym retinde tyıym salynǵan. Esterińizge salǵym keledi, 2005 jyldan beri prokýrorlardyń ótinishi boıynsha sot 8 uıymdy ekstremıstik dep tanyǵan. Olar: «Hızbýt tahrır ál ıslamı», «Tablıǵı jamaǵat», «Senim. Bilim. Ómir», «Alǵa»Halyq partııasy», «Halyq maıdany-Narodnyı vront», «At-Takfır Ýa-al Hıdja» jáne «Iakyn Inkar» jáne «DVK». Bul atalǵan uıymdar ekstremıstik dep tanylǵandyqtan, olardyń qyzmetine qatysý zańmen qýdalanady. Bizdiń azamattarǵa taǵy da túsindirgim keledi - ekstremıstik uıymnyń qyzmetine kez kelgen formada qatysý zańsyz», - degen Saparbek Nurpeıisov atalmysh uıymdardyń úndeýlerin áleýmettik jeli arqyly bólisýdiń qandaı jazaǵa aparyp soqtyratynyn aıtty.

«Bul jerde tikeleı qatysý mindetti emes. Bireý jasyryn qatysyp, kólikpen qamtamasyz etýi múmkin. Bireý «DVK» jaqtaýshylary men qatysýshylardy júıeli túrde jasyryp kelýi múmkin. Bireý qarjylandyryp, túrli únparaqtar taratýy múmkin. Áleýmettik jelide post pen kommentarıı taratyp, bólisý de - ekstremıstik uıymnyń jumysyna fızıkalyq, aqparattyq, qarjylaı kómektesý dep qaralady. Al buǵan zańmen tyıym salynǵan. Biz ylǵı eskertip kelemiz. Taǵy da azamattarymyzǵa qylmystyq qýdalaý sheńberinde qalmas úshin zań talaptaryn saqtaý kerektigin eskertemiz» - dedi ol.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT