+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Bas múftı kásipkerlerdi dári-dármekke muqtaj otandastarymyzǵa qoldaý kórsetýge shaqyrdy

2020 jylǵy 13 shilde 12:07
Bólisińiz:
Bas múftı kásipkerlerdi dári-dármekke muqtaj otandastarymyzǵa qoldaý kórsetýge shaqyrdy

NUR-SULTAN. QazAqparat – Qazaqstan musylmandary dinı basqarmasynyń (QMDB) tóraǵasy, Bas múftı bolyp Naýryzbaı qajy Taǵanuly kásipkerler men dáýletti jandardy dertke shaldyqqan jáne dári-dármekke muqtaj bolyp otyrǵan otandastarymyzǵa qoldaý kórsetýge shaqyrdy, dep habarlaıdy QazAqparat tilshisi.

Uqsas jańalyqtar
Gúlmıra Saǵıdýllına: Іndet kezinde onkologııalyq naýqastardyń em qabyldaýy úzilgen joq Ashat Aımaǵambetov ustazdarǵa jeke-jeke hat joldady Qazaqstanda koronavırýs juqtyrǵan  25 182  adam em alyp jatyr - QR DSM

«Qadirli halaıyq! Biz taǵdyr men tarıhtyń náýbetti kezeńinen, alasapyran zamannyń synynan abyroımen ótken halyqpyz. Qýanyshy men qaıǵysy arpalysqan ótkinshi ómirde kez kelgen pende synalmaı turmaıdy. Osy kúnderde kúlli álem bir tarynyń qaýyzyna syıǵandaı kúı keshýde. Biz de syndarly sáttermen betpe-bet keldik. Qaıǵyly habarlar barshamyzdyń qabyrǵamyzdy qaıystyryp, eldiń eńsesin túsirýde. Osy rette juqpaly indetten qaıtys bolǵan azamattardyń jaqyn juraǵattary men aǵaıyn-týǵandaryna óz atymnan taǵy da kóńil aıtamyn. Marqumdarǵa Alladan raqym, Paıǵambardan shapaǵat tileımin. Aldy peıish, arty kenish bolǵaı. Qazaly úıge Jaratqannyń ózi jar bolsyn. Al emdelip jatqan otandastarymyzǵa Alla shıpasyn bersin. Dertinen tolyqtaı aıyǵyp, tez saýyǵyp ketsin», - dedi Bas múftı.

Onyń aıtýynsha, búgin meshit-medreselerimizde marqumdarǵa arnap, arnaıy Quran Hatym duǵasy jasalýda.

«Qudaı qabyl etkeı!. Kóptegen azamat synaq sátinde dertke shaldyqqandarǵa dári-dármek pen muqtaj jandarǵa kómektesip, qoldarynan kelgenshe kómekterin aıamaýda. Olardyń barshasyna Alla razy bolsyn. Osy rette elimizdegi barsha kásipkerler men dáýletti jandardy el ıgiligi úshin dertke shaldyqqan jáne dári-dármekke muqtaj bolyp otyrǵan otandastarymyzǵa qoldaý kórsetýge shaqyramyn. Eldiń ıgiligi men halqymyzdyń amandyǵy úshin birligimizdi kórsetetin kez keldi. Árbir jaqsylyǵymyz osy bir náýbetti kezeńnen aman-esen ótýge sebepker bolǵaı!. Rabbymyz azat eldi aza tutqyzbaı, el eńsesi men týymyzdy tómen túsirmeı, indetti irgemizge jýytpaı, mereıimizdi árqashan ústem etkeı!. Eń bastysy, saǵymyz synbasyn. Jaratýshy ıemizdiń járdeminen bul synaqty da jeńemiz, ınshalla. Jańa kúnnen jaqsylyq kútken musylman balasy rýhyn túsirmeı, keler kúndi ıgi nıetpen qarsy alady. Qashan da bolashaqtan úmit kútedi. Denimiz qýatty, ár kúnimiz shýaqty bolǵaı, ámın!», - deıdi Naýryzbaı qajy Taǵanuly.

Elorda ýaqytymen saǵat 13:00-de osy kúnderi qarılarymyz oqyp jatqan Quran Hatymnyń duǵasy jasalady. Al Bas múftıdiń qatysýymen respýblıkalyq «Áziret Sultan» meshitinde jasalatyn Quran Hatym duǵasyna QMDB-nyń Instagram jelisindegi resmı paraqshasy jáne YouTube kanaly arqyly onlaın qosylýǵa múmkindik bar.

Aıta ketsek elimizde qalyptasqan ahýalǵa baılanysty halyqqa úndeý jasaǵan QR Prezıdenti Qasym-Jomart Toqaev 13 shildeni – Ulttyq aza tutý kúni dep jarııalaıtyny týraly málim etken bolatyn. Tıisti ókimge Memleket basshysy kelesi kúni qol qoıdy.

Qazaqstanda koronavırýs pandemııasynyń qurbany bolǵan azamattardy eske alýǵa baılanysty búgin - Jalpyulttyq aza tutý kúni. Nur-Sultan ýaqytymen saǵat 12:00-de búkil el boıynsha bir mınýttyq únsizdik jarııalanady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT