+7 (701) 759 90 19
USD 389.59 EUR 429.06
RUB 6.05 CNY 55.07
Jańalyqtar

Bas ınspektor aqaý shyqqan Airbus ushaǵyna qatysty túsinikteme berdi

2019 jylǵy 17 qyrkúıek 19:58
Bólisińiz:
Bas ınspektor aqaý shyqqan Airbus ushaǵyna qatysty túsinikteme berdi

NUR-SULTAN. QazAqparat – «Qazaqstannyń avıatsııalyq ákimshiligi» AQ Aýyr áýe kemeleri basqarmasynyń basshysy – bas avıatsııalyq ınspektor Igor Petıashın Airbus A321/A320neo ushaǵyna qatysty túsinikteme berdi, dep habarlaıdy QazAqparat Azamattyq avıatsııa komıtetine silteme jasap.

Uqsas jańalyqtar
Kıpr prezıdentiniń ushaǵy áınegindegi jaryqqa baılanysty Nıý-Iorkke qaıtyp keldi Pavlodardan elordaǵa ushatyn ushaq bıleti taǵy arzandady Áskerı ushqyshtar shabýyldan qorǵaný tapsyrmasyn oryndady

Onyń aıtýynsha, Air Astana 2016 jyldyń sońynan bastap, Airbus A321/A320neo tıpti 8 áýe kemesin paıdalanady.

«Ushaq ınnovatsııalyq tehnologııalar negizinde qurastyrylǵan jáne áýe kemesiniń mańyzdy júıeleriniń biri – janarmaıdy az shyǵyndap, joǵarǵy qýatqa jetýge múmkindik beretin jańartylǵan qozǵaltqyshy. Bul kórsetkishterge qol jetkizý úshin qozǵaltqysh qurylymynyń kúrdelenýine baılanysty, alǵashqy jyldary Airbus ushaqtarynda da, Boeing ushaqtarynda da konstrýktıvtik óndiristik kemshilikter bilindi. Óndirýshi zaýyt operatorlarynyń málimetine sáıkes, bul model únemi jetildirilip otyrady. Qazaqstanda osy qozǵaltqyshtardy paıdalanýda tómen qysymdy kompressordyń qalaqshalary jáne maı júıesi jelileriniń qorabynan kemshilikter týyndaǵan», - deıdi bas avıatsııalyq ınspektor.

Qazirgi ýaqytta maı júıesi jelileri qorabynyń jetispeýshiligi tolyǵymen joıylǵan.

«Air Astana áýe kompanııasynda bul agregat jetildirilgen nusqada ornatylyp jatyr. Sonymen birge, avıakompanııa Airbus Pratt&whitneý-men birge qozǵaltqysh kompressorynyń qalaqshalaryn kúsheıtilgen qalypqa aýystyrý jumystaryn júrgizýde. Áýe kemeleriniń jańa modelderi tolyǵymen jetildirilgen qozǵaltqyshtarmen kelip jatyr», - dedi Igor Petıashın.

Aıta keteıik, «Eır Astana» kompanııasynyń Nur-Sultan – Beıjiń baǵytynda jolǵa shyqqan Aibus A321neo ushaǵy áýejaıǵa qaıtyp oralǵan bolatyn. Ushaqta bolǵan 128 jolaýshy jergilikti ýaqyt boıynsha saǵat 4.00-de basqa reıspen saparlaryn jalǵastyrǵan.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT