+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Bas bapker boksshylardyń Olımpıadadaǵy sátsiz jekpe-jeginiń sebebin atady

2021 jylǵy 5 tamyz 22:17
Bólisińiz:
Bas bapker boksshylardyń Olımpıadadaǵy sátsiz jekpe-jeginiń sebebin atady

NUR-SULTAN. QazAqparat – Qazaqstannyń boks quramasynyń bas bapkeri Ǵalymbek Kenjebaev Tokıo Olımpıadasynda óner kórsetken otandyq boksshylardyń sátsiz jekpe-jegine qatysty túsinikteme berdi, dep habarlaıdy QazAqparat tilshisi.

Uqsas jańalyqtar
Astana Open: Tımofeı Skatov shırek fınalǵa óte almady Fýtboldan Qazaqstan kýbogynyń shırek fınal oıyndary ótedi Krıshtıaný Ronaldý álemdegi eń kóp aqsha tólenetin fýtbolshyǵa aınaldy

«Boksshylardyń daıyndyǵy jetkilikti deńgeıde boldy, olardyń olımpıadadaǵy kórsetkishterine qatysty ózime de suraq qoıyp jatyrmyn. Sportshylar daıyndyqtyń barlyq deńgeıinen ótti jáne ózara synǵa da tústi. Olımpıadada boksshylarǵa psıhologııalyq qysym keri áserin tıgizdi dep oılaımyn, desek te barlyǵy da tájirıbeli sportshylar», - dedi Ǵ. Kenjebekov OKQ-de onlaın ótken baspasóz máslıhatynda.

Sondaı-aq, elimizdiń bas bapkeri boksshylar Tokıo klımatyna sáıkes keletin kórshi Reseıde nege daıyndalmady degen suraqqa jýap berdi.

«Pandemııaǵa baılanysty Vladıvostokqa baryp jattyǵýdyń reti kelmedi. Onda Reseıdiń qurama komandasy jattyǵyp, bizdi de shaqyrǵan bolatyn. Karantındik shekteýlerden bara almadyq. Jalpy Vladıvostokta shetelden kelip, jattyǵý ótkizgisi kelgen nıet bildirýshilerdiń sany kóp boldy, degenmen karantınge baılanysty olarǵa tyıym salyndy. Bizdiń boksshylar Almatydaǵy «Aqbulaq» bazasynda jattyqty. Sportshylarymyz Tokıoǵa 17-sinde bardy, araǵa on kún salyp boksshylardyń alǵashqy jekpe-jegi ótti. Sondyqtan da jergilikti klımatqa beıimdelý úshin ýaqyt jetkilikti boldy», - deıdi ol.

Buǵan deıin habarlaǵanymyzdaı, QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev Tokıo Olımpıadasy oıyndarynan soń sportshylar jáne olardy jattyqtyrýshy bapkerlerdiń qatysýymen keńeıtilgen otyrys ótetinin aıtty. Onda jiberilgen kemshilikter talqylanbaq.



Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT