+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Barsha el Abaı bolyp tebirenip, Abaı bolyp jyrlap jatyr - Kenjehan Matyjanov

2020 jylǵy 27 aqpan 10:46
Bólisińiz:
Barsha el Abaı bolyp tebirenip, Abaı bolyp jyrlap jatyr - Kenjehan Matyjanov

ALMATY. QazAqparat – Qazaqstannyń eńbek sińirgen qaıratkeri, fılologııa ǵylymynyń doktory Kenjehan Matyjanov Abaıdyń 175 jyldyǵyna arnalǵan poezııa jáne mýzyka keshinen alǵan áserimen bólisti, dep habarlaıdy QazAqparat tilshisi.

Respýblıka saraıynda ótken keshte ıne shanshar oryn bolmady. Saltanatty sharaǵa Almaty qalasynyń ákimi Baqytjan Saǵyntaev, zııaly qaýym ókilderi, mádenıet qaıratkerleri qatysty.

Keshke qatysqan M.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov atalǵan is-sharanyń mańyzy men hakim Abaı murasynyń ereksheligine toqtaldy.

«Meniń oıymsha, erekshe kesh boldy. Óıtkeni bıyl - Abaı jyly. El bolyp Abaıdyń mereıtoıyn toılaýǵa kiristik. Barsha el Abaı bolyp tebirenip, Abaı bolyp jyrlap jatyr. Bul rette Almatynyń orny erekshe der edim. Óıtkeni elimizdegi barlyq zııaly qaýym ókilderi, abaıtanýshylar, Abaıdyń ánderin, mýzykasyn oryndap júrgen ártister derlik osy qalada. Respýblıka saraıynda ótken keshte halyq erekshe yqylaspen, emirene tyńdap otyrdy», –dedi Kenjehan Matyjanov.

Onyń aıtýynsha, zaldyń kórermenge toly bolǵany hakim Abaı murasynyń qundylyǵyn baıqatty.

«Bul keshte bári boldy. Sanamyzǵa sińgen, burynnan jattalǵan dástúrli Abaıdy kórdik. Kemeńger tulǵanyń mol murasy quddy bir keshke syıyp ketkendeı kúı keshtik. Abaıdy jańasha túsindirýdiń, Abaıdy jańasha uǵyndyrýdyń zamanaýı úlgisi kórsetildi. Ǵajap keshtiń kýási boldyq», – dedi M. Áýezov atyndaǵy Ádebıet jáne óner ınstıtýtynyń dırektory.

Kenjehan Matyjanov sondaı-aq osyndaı is-sharalardyń arqasynda uly Abaıdyń murasy zamannan tys qundy, barlyq urpaq úshin ózekti ári túsinikti bolatynyn atap ótti.

«Abaıdyń máńgilik ekeni sózsiz. Abaı esh ýaqytta eskirmeıdi, sanamyzdan ketpeıdi. Ol – bizdiń júregimizde, qazaqtyń sanasynda tur. Keshti uıymdastyrǵan, onyń stsenarııin jazyp, joǵary deńgeıde oryndap shyqqan barlyq shyǵarmashylyq ujymǵa alǵys aıtý kerek. Bul keshti respýblıkanyń barlyq úlken sahnalaryna shyǵarsaq ta, artyq bolmaıdy. Almatyda jasalǵan bul dúnıeni kórsetý kerek dep oılaımyn. Álbette, talǵamǵa talas joq. Árkimniń qabyldaýy árqıly. Dese de, bul kesh basqa keshten ózgerek boldy deýge ábden negiz bar», — dedi K. Matyjanov.

Sondaı-aq, ol Abaıdyń 175 jyldyǵyn merekeleý aıasyndaǵy is-sharalardy ótkizý jónindegi aldaǵy josparlarymen, Almaty qalasynyń mádenı astana retindegi erekshe róli týraly da áńgimeledi.

«QR Prezıdenti arnaıy memlekettik komıssııa qurǵany belgili. Onyń jospary da bekitilgen. Respýblıka boıynsha osyndaı iri sharalar óris alatyny belgili. Biraq qalaı bolǵanda, kópshiligi Almatyǵa kóz tigedi. Kesh Almatynyń abyroıyna, bedeline saı keletin kesh boldy. Budan keıin de osy mánerde, osy arnada Abaıdy toılaý, Abaıdyń búkil shyǵarmashylyǵyna, júregine súńgý, sonyń arǵy jaǵyndaǵy shyn asyldy tabý, soǵan úńilý - bul jas urpaqqa beriletin úlken sabaq. Sondyqtan Abaıdyń toıy - toılaý úshin emes, Abaıdy túsiný úshin, bilý úshin, jańa urpaqqa jetkizý úshin, Abaıdy keleshekke sol óziniń danyshpan qalpynda tuǵyryna qondyrý úshin jasalatyn dúnıe», – dedi K. Matyjanov.

Aıta keteıik, keshe Almatydaǵy Respýblıka saraıynda Abaıdyń 175 jyldyǵyna arnalǵan poezııa jáne mýzyka keshi ótti .


Bizdiń kanalymyzǵa jazylyńyz:

Basty sózder: Almaty, Mádenıet, Ádebıet, #Abai175,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT