«Barselona» Ispanııanyń sýperkýbogin jeńip aldy
ASTANA. QazAqparat – «Barselona» klýby Ispanııanyń sýperkýbogin jeńip aldy, dep habarlaıdy QazAqparat tilshisi.
Fınaldyq matchta «Barselona» Madrıdtiń «Real» komandasyn 3:1 esebimen utty.
Bul ıspanııalyq bapker Havıdiń katalonııalyq klýbtyń tizginin ustaǵannan bergi alǵashqy tabysy edi.
Havıdiń shákirtteri tarazy basyn ózderine birinshi taımda-aq aýdara bildi. 33-mınýtta 18 jasar Gavı esep ashty. 45-mınýtta Robert Levandovskı mergendigimen kózge tústi.
Ekinshi kezeńde jartylaı qorǵaýshy Pedrı 69-mınýtta esepti 3:0-ge jetkizdi. Tek matchtyń sońynda ǵana 90+3-mınýtta Karım Benzema bir ǵana golmen jaýap berdi.
Osylaısha, «Barselona» Ispanııa sýperkýbogin 14 ret utyp alyp, óz rekordyn jańartty. Al «Realdyń» enshisinde 12 sýperkýbok bar.
Chempıondar lıgasynda óz tobynda úshinshi oryn alyp, pleı-off kezeńine óte almaǵanyna qaramastan, «Barselona» Ispanııa birinshiliginde kósh bastap keledi. Havıdiń komandasy 41 upaımen birinshi, «Real» (38) ekinshi orynda tur.
Eske sala keteıik, budan buryn Messı men Mbappeniń fýtboldan álem chempıonatynan keıin qalaı kezdeskenin jazǵan bolatynbyz.
Foto: YASSER BAKHSH/GETTY IMAGES
