+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Barlyq óńirde aptap ystyq: TJM múmkindikke oraı dalaǵa shyqpaýǵa keńes beredi

2021 jylǵy 23 shilde 15:27
Bólisińiz:
Barlyq óńirde aptap ystyq: TJM múmkindikke oraı dalaǵa shyqpaýǵa keńes beredi

NUR-SULTAN. QazAqparat - «Qazgıdromet» RMK derekteri boıynsha elimizdiń birqatar óńirlerinde taıaý kúnderi qatty ystyq kútiledi. Aptapqa baılanysty QR Tótenshe jaǵdaılar mınıstrligi qatty ystyqta qajettilik bolmaǵan jaǵdaıda dalaǵa shyqpaýǵa keńes beredi, dep habarlaıdy QazAqparat.

24 shilde kúni kúndiz Nur-Sultan qalasynda 35 gradýs qatty ystyq bolýy yqtımal.

24 shilde kúni kúndiz Aqmola oblysynda 35-37 gradýs, al óńirdiń batysynda 40 gradýs aptap ystyq kútiledi. Tótenshe órt qaýpi saqtalady.

24-25 shildede kúndiz Qaraǵandy oblysynyń ońtústiginde 40 gradýs ystyq bolady. Keı jerlerde órt qaýpi bar.

Kúndiz 24-26 shildede Jambyl oblysynyń keı jerlerinde aptap ystyq 44 gradýsqa kóteriledi. Órt qaýpi saqtalady.

25 shildede kúndiz Almaty, Pavlodar, Shyǵys Qazaqstan oblystarynyń keı jerlerinde 40-42 gradýs qatty ystyq kútiledi. Keı jerlerde órt shyǵý qaýpi bar.

25 shildede kúndiz Túrkistan, Qyzylorda oblystarynyń keı jerlerinde 46 gradýs ystyq bolady. Órt qaýpi saqtalady.

25-27 shildede kúndiz Mańǵystaý oblysynda 44 gradýs qatty ystyq kútiledi.

Tótenshe jaǵdaılar mınıstrligi ystyqtan saqtaný úshin azamattardy asa qajettilik bolmaǵan jaǵdaıda dalaǵa shyqpaýǵa keńes beredi, sondaı-aq:

- aǵzany sýsyzdanýdan qorǵaý úshin kóp sý, kúnine keminde 1,5-3 lıtr suıyqtyq ishý kerek;

- aptap ystyqta kez-kelgen fızıkalyq belsendilikten bas tartyńyz;

- kúndiz kún sáýlesi bólmege kirmeýi úshin terezelerdi ashyq reńkti perdelermen jabyńyz;

- kún ótpes úshin bas kıim, ashyq aýa ótkizetin kıim (maqtadan jasalǵan) kıińiz. Ystyq aýa raıynda balalarǵa erekshe nazar aýdaryp, saq bolyńyz.

Sonymen qatar, TJM azamattardy dala jáne orman alqaptarynda bolǵan kezde qaýipsizdik qaǵıdalaryna saqtaýǵa shaqyrady. Ádette, tabıǵı órtterdiń oryn alýynyń negizgi sebepteri halyqtyń otty abaısyz paıdalanýy, sóndirilmegen temeki, alaý, janǵan sirińke, maıly nemese tozyǵy jetken shúberek, shyny bótelke, kólik quralynyń sóndirgishinen ushqyny, qurǵaq shóptiń jaǵý, naızaǵaı bolyp tabylady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT