Bankten kepildik alǵan 4800 adam 2-3 aıda kóligin alady – Qaıyrbek Óskenbaev
2022 jylǵy 24 mamyr 12:56

Bankten kepildik alǵan 4800 adam 2-3 aıda kóligin alady – Qaıyrbek Óskenbaev

NUR-SULTAN. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev 4 paıyzdyq avtonesıege kepildik alǵan 4800 adam 2-3 aıdyń ishinde kóligin alatynyna senimdi, dep habarlaıdy QazAqparat tilshisi.

«Avtosalonǵa barsaq kólik joq. Kútińizder deıdi. Qansha desek, naqtysyn aıtpaıdy. Jyldap sozylyp ketýi múmkin degendi de estidik. Bul problemany bilesizder me?» dep surady mınıstrden jýrnalıster Úkimet otyrysynan keıin.

Mınıstrdiń paıymynsha, bir kúnde 10 myń nemese 20 myń, 50 myń kólik shyǵarý múmkin emes.

«2-3 aıdyń ishinde nesıe alǵan adamdarǵa kólik jetkizýge zaýyttardyń múmkindigi bar», - dedi Qaıyrbek Óskenbaev.

Sondaı-aq, ol BAQ ókilderiniń eldegi avtoónerkásiptiń betalysy týraly suraǵyna jaýap berdi.

«Sol siz «túkke turmaıtyn zaýyt» dep turǵan zaýyttardy baryp kóreıikshi. Birge baraıyq. Sizder ol zaýyttardy kórgen joqsyzdar. Ol jerde kólik shyǵarylyp jatyr. Búginde 4800 adam bankterden kepildik alyp úlgerdi, máshıne alýǵa ruqsaty bar. Eshqandaı 10 jyl kútpeıdi. Ary ketkende 2-3 aıdyń ishinde zaýyt olarǵa kólik berýge mindetti», - dedi mınıstr.

Buǵan deıin atalmysh jobaǵa jaýapty organdar 4 paıyzdyq avtonesıe alýdyń nusqaýlyǵyn jarııalaǵan bolatyn.


Jańalyqtar

MURAǴAT