+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Banknottar qandaı jaǵdaıda qoldanystan alynady

2021 jylǵy 13 shilde 16:12
Bólisińiz:
Banknottar qandaı jaǵdaıda qoldanystan alynady

ALMATY. QazAqparat - Dúkende nomınaly 1000 teńge bolatyn «Kúltegin» estelik banknotyn qabyldamaǵan jaǵdaıda Ulttyq banktiń aýmaqtyq fılıalyna ótinish jazý kerek. Bul týraly banktiń qolma-qol aqsha aınalysy departamentiniń basshysy Dınara Daýtova aıtty, dep habarlaıdy QazAqparat tilshisi.

Onyń aıtýynsha, Ulttyq bankke turǵyndar habarlasyp jatyr. Olar dúkender 1000 teńgeni qabyldamaı jatqanyn aıtqan.

«Bul kýpıýralardyń zańdy tólem quraly bolyp tabylatynyn esterińizge sala ketkim keledi. Olardy basqa da estelik banknottar sekildi bank operatsııalary men aýdarymdar kezinde jáne tólemniń kez kelgen túri boıynsha qabyldaýǵa mindetti. Mundaı banknottardy qabyldaýdan bas tartqan jaǵdaıda Ákimshilik quqyq buzýshylyq týraly kodekstiń 206-babyna sáıkes ákimshilik jaýapkershilik qarastyrylǵan», - dedi Dınara Daýtova.

Sonymen qatar, ol mundaı aqshany qabyldamaǵan jaǵdaıda ne isteý kerek ekenin túsindirdi.

«Eger sizden bul banknottardy qabyldamasa, Ulttyq banktiń aýmaqtyq fılıalyna ótinish bildirýińiz qajet. Banknotty qabyldaýdan bas tartý faktisin beınejazbaǵa túsirýdi nemese jazbasha negizdeme talap etýdi usynamyz»,-dedi Ulttyq bank ókili.

Dınara Daýtova aınalymda «Kúltegin» banknotynan basqa ataýly kúnder men oqıǵalarǵa arnalǵan estelik banknottar baryn atap ótti.

Olar da zańdy tólem quraly.

«Olardy ekinshi deńgeıli banktar men «Qazposhta» AQ-tyń barlyq bólimshesinde, Ulttyq banktiń fılıaldarynda aýystyrýǵa jáne aıyrbastaýǵa bolady. Atalǵan banknottar tozǵan kezde aınalymnan alynady», - dedi Dınara Daýtova.

Estelik banknottardyń tolyq tizimi, sondaı-aq Ulttyq Bank fılıaldarynyń mekenjaıy men baılanys derekteri týraly aqparat QUB saıtynda ornalasqan.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT