Bank klıentterine qatysty alaıaqtyq jıilep ketti – Úkimet basshysy
2022 jylǵy 28 maýsym 12:40

Bank klıentterine qatysty alaıaqtyq jıilep ketti – Úkimet basshysy

NUR-SULTAN. QazAqparat – QR Premer-Mınıstri Álıhan Smaıylov memlekettik qyzmetterdi tsıfrlandyrý jumystaryn jalǵastyrýdy tapsyrdy, dep habarlaıdy QazAqparat tilshisi.

«Halyqtyń turmys deńgeıi memlekettik qyzmetterdiń qoljetimdi bolýyna jáne olardyń sapasyna baılanysty. Sondyqtan, bul salada servısti únemi jetildire otyryp, azamattarǵa yńǵaıly ári sapaly qyzmetterdi usynýdyń mańyzy óte zor.

Sońǵy bir jylda kórsetiletin memlekettik qyzmetterdiń sany 2 esege jýyq ósti. Elektrondyq formattaǵy qyzmetterdiń deńgeıi 93% quraıdy. Al qyzmetterdiń 66%-yn azamattar kádimgi smartfon arqyly alyp otyr», - dedi Á. Smaıylov Úkimettiń búgingi otyrysynda.

Onyń aıtýynsha, azamattyń jeke basyna qatysty 18 qujat túri tsıfrlyq formatta beriledi, ıaǵnı olardy qaǵaz júzinde rastaýdyń qajeti joq.

«Elektrondyq qyzmetter men bazalardyń ıntegratsııasy azamattardyń ómirin jeńildetýge múmkindik berdi. Olar memlekettik organdardyń esigin tozdyryp, qaǵazbastylyqqa salynyp, áýrege túspeıdi. Bul jumysty ári qaraı keńeıtý qajet.

Sonymen qatar, elimizde elektrondyq formattaǵy banktik qyzmet túrleri jaqsy damyp keledi. Azamattarǵa yńǵaıly bolýy úshin bank qosymshalarynda memlekettik qyzmet servısteri engizilýde Olarda eń joǵary deńgeıdegi zamanaýı qorǵaý tásilderi, bıometrııa qoldanylýda», - dedi Premer-Mınıstr.

Degenmen, Úkimet basshysy bank klıentteri úshin alaıaqtyq jaǵdaılardyń jıilep ketkenine barynsha nazar aýdaryp, klıentterdiń derekterin qorǵaýdy kúsheıtýdi tapsyrdy.


Uqsas jańalyqtar

Jańalyqtar

Úrdis

MURAǴAT