+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Balqash pen Jezqazǵanda sý qoımalardyń jaǵalaýynan 280 qap qoqys jınaldy

2021 jylǵy 28 qyrkúıek 07:10
Bólisińiz:
Balqash pen Jezqazǵanda sý qoımalardyń jaǵalaýynan 280 qap qoqys jınaldy

QARAǴANDY. QazAqparat – Qaraǵandy oblysynyń Balqash jáne Jezqazǵan qalalarynda ótken ekologııalyq aktsııalarǵa eki júzge jýyq adam qatysty. Senbilik barysynda 280 qap qoqys jınaldy. Qaldyqtardyń basym bóligi qaıta óńdeýge jiberildi, dep habarlaıdy QazAqparat tilshisi.

Uqsas jańalyqtar
Qyzylordalyq ónertapqysh Almaty aýasyn jaqsartýǵa úles qospaq JEEK otyrysy: Qazaqstan Prezıdenti ekologııalyq qaýipsizdikke qatysty pikir bildirdi 14 qazanda Qazaqstannyń úsh qalasynda aýa sapasy nasharlaıdy

«Barlyǵymyzdy bir tilek, bir maqsat biriktirdi – qaladaǵy sý qoımalarynyń jaǵalaýlaryn qoqystardan tazartý jáne olardyń qaıtalanbas sulýlyǵyn saqtaýǵa kómektesý. Balqashta tazartý úshin Balqash kóliniń qalalyq jaǵajaıy, al Jezqazǵanda Keńgir sý qoımasynyń jaǵalaýy tańdaldy. Bul sý obektileri – Ortalyq Qazaqstan dalalary arasyndaǵy biregeı oazıster. Sondyqtan jaǵalaýda nemquraıly demalýshylar qaldyrǵan qoqystar kóktemde erigen sýlarmen birge sý qoımalarynda qalmaýy óte mańyzdy bolyp tabylady», – dep atap ótti senbilikterdi uıymdastyrýshylar.


Senbilik bastalar aldynda qatysýshylarǵa nusqaýlyq ótkizildi. Olar qoqysty jınap qana qoımaı, jasyl jáne aq qaptarǵa suryptady. Plastık bótelkeler, plastık paketter men qalaıy bankalar jasylǵa, al qalǵan qoqystar aq dorbalarǵa suryptaldy. Jınalǵan qoqystyń arasynda bizdiń óńirde qaıta óńdeýge jatpaıtyn birrettik ydys jáne ylǵaldy maılyqtar basym boldy.

«Óziniń jeke basynyń tazalyǵy men gıgıenasyn oılap, adamdar ylǵaldy maılyqtardy jıi qoldanady. Bul rette demalýshylar ol zattardyń plastık paketter sekildi tabıǵatqa keltirer zııany orasan ekenin oılanbaıdy. Atalmysh maılyqtar topyraqta birneshe jyldar boıy ydyramaıtyn talshyqtardan jasalǵan. Sonymen qatar olar hosh ıistendirgishter men bakterııaǵa qarsy zattarmen óndelgen, al olar topyraq pen sýǵa tússe, qorshaǵan ortany ýlandyrady», – dep tolyqtyrdy ekovolonterler.


Sonymen qatar, aktsııaǵa qatysýshylar Balqash kóli men Keńgir sý qoımasynyń jaǵalaýyna aqparattyq stendter ornatty. Olar óńir turǵyndaryna elimizdiń biregeı tabıǵatyn saqtaý qajettigin eskertedi.

Uıymdastyrýshylar ekosenbilikter aldaǵy ýaqytta da jalǵasatynyn atap ótti. Alda Balqash pen Jezqazǵanda gúldeıtin aǵashtardyń kúzgi otyrǵyzylýy jáne aımaq mektepterinde «Bólshekte, tapsyr, qaıta óńde!» aılyǵy ótedi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT