Balasyn mektepke kıindirýge qarjylaı kómek alǵan ata-analar chek kórsetip, esep berýge tıis
2022 jylǵy 10 tamyz 17:32

Balasyn mektepke kıindirýge qarjylaı kómek alǵan ata-analar chek kórsetip, esep berýge tıis

NUR-SULTAN. QazAqparat – «Jalpyǵa mindetti bilim berý» qory qarjysyn maqsatsyz jumsaǵan ata-ana jaýapqa tartylady. Bul týraly QR Oqý-aǵartý mınıstrligi balalardyń quqyǵyn qorǵaý komıteti tóraǵasynyń orynbasary Dýlat Jekebaev málim etti, dep habarlaıdy QazAqparat tilshisi.

«Ata-ana nemese balanyń zańdy ókiline «Jalpyǵa mindetti bilim berý» qorynan qarjylaı kómek alýǵa ótinish jazǵan kezde jaýapkershilik týraly eskertiledi. ıAǵnı ata-ana qordan alǵan qarjyny maqsatty jumsap, dálel retinde alǵan zattyń chegi nemese kvıtantsııasyn usynýǵa kelisimin beredi. Chek pen kvıtantsııany qordan qarjysyn qolyna alǵannan keıin 15 kúnniń ishinde tapsyrý kerek. Sonymen qatar ata-ana jalǵan aqparat nemese jalǵan chek usynǵan jaǵdaıda jaýapkershiliktiń baryn biledi. Qajet jaǵdaıda qylmystyq iske deıin qozǵalady», - dedi Dýlat Jekebaev mınıstrliktiń «Oqu-ağartu LIVE» jobasynyń efırinde.

Onyń aıtýynsha, qor qarjysy maqsatty túrde jumsalýy tıis. ıAǵnı oqýshyǵa mektepke arnalǵan kıim-keshek pen qural-jabdyq satyp alýy qajet.

Sondaı-aq, komıtet basshysynyń orynbasary bıyl qordan beriletin qarjynyń shekti somasy belgilengeni týraly aıtty.

«Buǵan deıin «Jalpyǵa mindetti bilim berý» qorynan beriletin soma ár óńirde ártúrli boldy. Tipti bir qalanyń ózinde eki túrli soma edi. 2020 jyly aýdandar boıynsha rettedik, ıaǵnı bir soma belgilenýge tıis. Keıin oblys, qalalardy retke keltirdik. Bıyldan bastap respýblıka boıynsha shekti soma naqtylandy. Jańa qaýlyǵa sáıkes eń tómengi soma 37 389 teńge. Qordan beriletin qoldaý atalǵan somadan tómen bolmaýy tıis. Eger belgilengen somadan kóp beremiz dese ony ózderi biledi. Ol máseleni jergilikti bılik sheshedi», - deıdi ol.

Odan bólek, «Jalpyǵa mindetti bilim berý» qorynan beriletin kómekke qatysty bıylǵy jańashyldyq - qoldaý qarjylaı beriledi. Buǵan deıin zattaı berilip kelgen edi.


Seriktester jańalyqtary

Jańalyqtar

Úrdis

MURAǴAT