+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

«Balapan» telearnasyna - 10 jyl

2020 jylǵy 27 qyrkúıek 09:22
Bólisińiz:
«Balapan» telearnasyna - 10 jyl

NUR-SULTAN. QazAqparat - Búgin qazaq televızııasy tarıhyndaǵy tuńǵysh balalar arnasy «Balapan» telearnasyna - 10 jyl. Telearna «Qazaqstan» teleradıokorporatsııasynyń quramynan 2010 jyldyń 27 qyrkúıeginde Elbasy Nursultan Nazarbaevtyń bastamasymen ashyldy, dep habarlaıdy QazAqparat tilshisi.

Uqsas jańalyqtar

10 jyl ishinde 246 televızııalyq joba, 19 telehıkaıa, 17 747 mınýtty quraıtyn 67 anımatsııalyq mýlthıkaıa jasaldy. Qazaq kınoındýstrııasy tarıhynda «Balapan» telearnasy tuńǵysh ret balalarǵa arnalǵan «Sanjar men Qaısar» telehıkaıasyn, otandyq mýlthıkaıalar túsirýdi qolǵa aldy.

«Balapan» arnasyn únemi kóretin balalar kórkem sóıleı bastady, sonymen birge qazaq tiliniń tereńdigin túsinedi. Balalardyń bilimdi, zamanaýı bolyp qalyptasýy úshin de arnanyń atqaryp otyrǵan róli zor. «Balapan» arnasynyń ashylýymen televızııadan alshaqtap ketken ertegi, besik jyry sııaqty janrlar qaıta oraldy. Munyń jas urpaqtyń boıyna ulttyq qundylyqtardy sińirýde mańyzy zor. Bizdiń aldymyzda turǵan eń úlken strategııalyq maqsattardyń biri - deni saý, bilimdi, tárbıeli, básekege qabiletti urpaq tárbıeleý. «Balapan» telearnasy osy baǵytta óte nátıjeli jumys istep jatyr deýge negiz bar», - dedi QR Parlamenti Senatynyń tóraǵasy Máýlen Áshimbaev «Qazaqstan» arnasyna bergen suhbatynda.

Osy ýaqytqa deıin «Balapan» arnasynyń aýdıtorııasy 12 jasqa deıin bolsa, bıylǵy jyldan bastap 8 jasqa deıin ózgerdi.

«Bul - úlken zertteýler nátıjesinde jasalǵan qadam. 8 jasqa deıingi balalar mýltfılm izdeıtini anyq. Osy talap údesinen shyǵý úshin anımatsııalyq jobalar óndirisin arttyrdyq. Bıylǵy jyly efırdegi anımatsııanyń úlesi 80 paıyzdy qurap otyr jáne bul kórsetkish jyl sanap arta beredi. Búginde «Balapan» telearnasynyń anımatsııalyq ónimderi eldegi jalpy anımatsııa óndirisiniń 90 paıyzyn quraıdy», - dep atap ótti «Qazaqstan» RTRK» AQ Basqarma tóraıymy L.Tanysbaı óz sózinde.

Ashylǵanyna 10 jyl tolǵan arna bıyldan bastap úzdik sheteldik mýlthıkaıalardyń telequqyǵymen qosa ınternet quqyqtaryn satyp alý bastamasyn alǵash bolyp júzege asyrdy. Jyl sońyna deıin arna kórermenderi jalpy sany 800 bólimnen asatyn anımatsııalyq týyndalardy «Balapan»-nyń You Tube-arnasynan qazaq tilinde tamashalaı alady.

Odan bólek, arna óndirgen «Tynymsyz shójeler», «Sábı», «Erkeler», «Shahmat patshalyǵy», «Pyraqtar» syndy 5 anımatsııalyq joba AQSh jáne Latyn Amerıkasy elderiniń kabeldik arnalary arqyly ıspan, aǵylshyn, portýgal tilderinde kórsetiledi. Kelisimshart AQSh-tyń jelilik jáne spýtnıktik habar taratý qyzmetin júzege asyratyn «Olympusat» kompanııasymen jasaldy. Arna óndirgen «Kúlki izdegen Kúnekeı», «Sábı», «Erkeler» mýlthıkaıalary TMD-daǵy eń tanymal IVI.RU onlaın platformasyna salynady.

Kúzgi maýsymda «Balapan» telearnasy jalpy sany 253 bólimnen turatyn 17 otandyq anımatsııalyq týyndy usynady. Táýligine 17 saǵat habar taratatyn arnanyń «Otau TV» jelisinde 1 mln 400 myń abonenti bar, kabeldik jeli arqyly 1 mln kórermen qamtylady. Arna jalpy el turǵyndarynyń 84 paıyzyna qoljetimdi.

Telearnanyń 10 jyldyǵyna oraı búgin 15:20-da «Qazaqstan» arnasy «Balapan» telearnasyna - 10 jyl» arnaıy jobasyn usynady.


Bizdiń kanalymyzǵa jazylyńyz:

#BAQ  
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT