+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Balanyń bolashaǵyna yqpal etetin úsh adam - Sheteldegi qazaqtildi BAQ-qa sholý

2020 jylǵy 7 maýsym 13:06
Bólisińiz:
Balanyń bolashaǵyna yqpal etetin úsh adam - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA shet memleketterde qazaq tilinde taraıtyn aqparat kózderine aptalyq sholýyn usynady.

Uqsas jańalyqtar

Balanyń jarqyn bolashaǵyna yqpal etetin úsh adam bar - Qytaıdyń «Ortalyq halyq radıosy» (CNR)

Balalar qandaı adammen etene baılanysta bolsa, ómirlik saparyn dál sol tulǵa sııaqty bastaıdy. Balaǵa eń jaqyn úsh adam balanyń ómir jolyna baǵdar silteıdi, dep jazady kazakcnr.com saıty.

«Balanyń kim bolýyn belgileıtin úsh adam» atty tanymdyq maqalada perzent tárbıesindegi ózekti máseleler týraly oı qozǵalǵan. Onda bala bolashaǵynyń jarqyn bolýyna tikeleı yqpal etetin – ata-anasy men ustazy ekeni aıtylǵan. Tómende osy maqalanyń yqshamdalǵan ózekti degen tusy berilip otyr.

***

«Áke ـ asqar taý» deıdi halqymyz. Mine, osydan-aq ákeniń bala úshin kim ekenin túsine qoıamyz. Áke ـ perzent ómiriniń jarqyn bolashaǵyna negiz qalaıtyn tulǵa. Otbasynda áke balanyń – eń jaqsy úlgisi, tamasha ustazy. Ádette, balalar áke boıyndaǵy tańdaýly qasıetti ózine maqtan tutady jáne ózine de osy ólshemmen talap qoıady. Ákesi únemi serik bolatyn, áke qamqorlyǵyna barynsha bólengen bala kúndelikti ómirde batyl, óz-ózine senimdi, basqalarmen aralasqanda jasqanshaqtamaı, týra sóılep, ózin erkin ustaıdy.

Amerıkanyń Iel ýnıversıtetiniń zertteýinshe, er adamǵa ilesip eseıgen balalardyń aqyl-oı óresi jaqsy damyp, mekteptegi úırený nátıjesi de úzdik bolady eken. Olar qoǵamǵa shyqqan soń jumysyn tabysty isteı alady. Sondyqtan, perzentim úzdik bolsyn desek, ákelerdiń oı órisi keń bolýy, kóbirek ýaqyt bólip, balalarmen birge bolýy qajet. Ákeniń úzdik bolýy – bala úshin taptyrmas tárbıe!

Ana kúlli ǵalamǵa ún-túnsiz ǵana tirshilik nárin syılap, ómir berip turǵan sýǵa uqsaıdy. Ol otbasyna jylýlyq syılaıdy, balaǵa súıispenshilik nuryn seýip, náziktikti, bııazylyqty úıretedi. Balanyń kisiligi, meıirimdi, mereıli bolýy anasynan keledi.

Sábıler ádette eń kóp ýaqytty anasymen birge ótkizedi. Analar álemniń jaryǵyn syılaǵannan bastap-aq, balalar negizinen oǵan ıek artýmen bolady.

Áıeldiń minez-qulqy jaıdary, januıany shattyqqa bóleı alsa, balalardyń kóńil-kúıi ornyqty, ortaq shańyraq ordasy tátý-tátti keledi. Al, kerisinshe, minezi nashar, únemi daýys kótere sóılep, basqalarǵa ashý shaqyra jóneletin ádeti bolsa, bala da keri yqpalǵa ushyraıdy. Ondaı ortada ósken balańyz tym jasyq, qorǵanshaq, ýaıymshyl ne óte yzaqor, ashýshań bolyp erjetedi.

Belgili ǵalym Ýılıam Deımon «Maqsatqa aparar jol» atty kitabynda «Balanyń eseıýinde otbasynan bólek mańyzdy ról atqaratyn erekshe adam – ustaz» deıdi. «Bir kúndik ustaz ـ myń kúndik áke» degen eken burynǵylar. Osydan-aq, ustazdyq etýshi kisiniń balaǵa bolatyn yqpaly qanshalyq ekenin bile berińiz. Kúndelikti sabaq barysynda oqýshy bir pedagogty unatpaı qalsa, onyń sol muǵalim beretin sabaqty úırenýge yqylasy azaıady. Al kerisinshe, oqýshy ustazdy jaqsy kóretin bolsa, onyń pánin úırenýden esh jalyqpaıdy.

«Ustazy jaqsynyń – ustamy jaqsy» deıtin ataly sóz bar. Oqytýshy balanyń bilim alý kózqarasyna áser ete alady. Ustaz balaǵa úırenýdiń úzdik natıjesin syılaı almasa da, olardy bilim alýdy súıetin, yntaly etip tárbıeleı alady. Mundaı oqytýshynyń qolynan shyqqan bala úırenýden mezi bolmaıdy, qashqalaqtamaıdy. Tárbıeniń artyqshylyǵy mine, osynda. Oqytýshynyń kishkentaı ǵana is-áreketi osynshama keremet nátıje jarata alady.

Mońǵolııa Reseıge gýmanıtarlyq kómek kórsetedi - KAZNEWS

Mońǵolııa Reseı Federatsııasyna koronavırýs indetin jeńýge kómektesý úshin 76 mıllıon rýbl, ıaǵnı 1 mıllıon AQSh dollaryna teń keletin et, et ónimderin jiberetin bolady, dep jazady Mońǵolııalyq KAZNEWS aqparattyq portaly.

«Úkimettiń baspasóz qyzmetiniń málimetinshe, Mońǵolııa Premer-mınıstri Ý.Húrelsúh Reseı Federatsııasynyń Mońǵolııadaǵy Tótenshe jáne Ókiletti Elshisi I.K.Azızovty qabyldap, Reseı Úkimeti men halqyna kórsetken gýmanıtarlyq kómektiń kýáligin tabys etti. Mońǵolııa men Reseı arasyndaǵy tolyqqandy strategııalyq yntymaqtastyqtyń odan ári damýyna atalmysh gýmanıtarlyq kómek óz úlesin qosatyn bolady», - delingen aqparatta.

Erte zamanǵy qola sháınektiń ishinen beımálim suıyqtyq tabyldy - Qytaıdyń «Ortalyq halyq radıosy» (CNR)

Qytaıdyń Henan provıntsııasyndaǵy arheologııalyq qazba jumystar kezinde pishini erekshe jasalǵan basy qazǵa uqsaǵan qola sháınek tabyldy, dep jazady kazakcnr.com saıty.

Derek kóziniń málimetinshe, ejelgi qorymnan tabylǵan óte ádemi pishindegi qaz basty qola sháınektiń ishinde 3000 mıllılıtrden astam beımálim suıyqtyq saqtalǵan eken.

«Mamandar atalǵan ejelgi qabirdi Tsın patshalyǵynyń sońy men Han patshalyǵynyń bastapqy kezeńine tıeseli tarıhı qorym dep tujyrymdaǵan (bizdiń zamanymyzdan burynǵy 206 jyl). Qabirge sol kezde dárejesi tómen bolǵan ulyq jerlengen degen paıym bar. Bul jerden qaz basty qola sháınekten basqa, qola tegene, temir semser, qas tasynan jasalǵan semser sekildi buıymdar tabyldy. Al qaz basty sháınektiń ishinde saqtalǵan beımálim sarǵysh qońyr tústi suıyq zattyń naqty quramy mamandardyń zertteýine usynyldy», - delingen maqalada.

Ózbekstanda otandyq mýltfılmderdi jasaýǵa 4,4 mıllıard sýmnan astam qarjy bólindi - «ÓzA» aqparat agenttigi

2019 jyl Ózbekstanda 12 mýltfılmniń ekranǵa shyǵýy úshin bıýdjetten 4 mıllıard 458 mıllıon sým kóleminde qarjy bólingen, dep habarlaıdy Ózbekstannyń «ÓzA» memlekettik aqparat agenttigi.

«Ózbekkıno» Ulttyq agenttiginiń málimetinshe, 2019 jylda bıýdjetten bólingen bul qarjynyń 3,4 mıllıard sýmy mýltıplıkatsııalyq 9 fılmniń ekrandalýy úshin memlekettik mýltımedıaly stýdııaǵa berilgen. Qalǵan 1 mlrd 58 mln sým 3 anımatsııalyq týyndyny taspalaýǵa jeke stýdııaǵa aýdaryldy. Al bıyldan bastap «Ózbekkıno» Ulttyq agenttigi anımatsııalyq týyndylardy ekrandaýǵa arnalǵan memlekettik qarjyny tek tender arqyly berý júıesine kóshkenin aıtady. Onda 3 anımatsııalyq týyndy úshin tenderden jeńiske jetken eki jeke stýdııa men 1 memlekettik shyǵarmashylyq top tapsyryspen jumys bastaǵan», - dep habarlaıdy «ÓzA» aqparattyq agenttigi.

Túrik tilin úırený boıynsha halyqaralyq onlaın-kýrs jalǵasýda - TRT

Ázerbaıjan jáne Qazaqstanda jalǵasqan túrik tiliniń onlaın kýrstaryna endi Túrikmenstan, Ózbekstan jáne Qyrǵyzstan qosyldy, dep jazady Túrkııa Radıo Televızııa portaly.

«ıÝnýs Emre ınstıtýtynyń túrki áleminiń stýdentterine tsıfrlyq túrik tili kýrs jumystary jalǵasýda. Alpysqa jaqyn elde qyzmet atqaratyn ıÝnýs Emre Instıtýttyń Baký ókildigi «Túrkııany jaqynnan tanýǵa qalaı qaraısyń?» degen uranmen bastaǵan onlaın túrik tili kýrsyna Ázerbaıjan, Qazaqstan, Ózbekstan, Qyrǵyzstan jáne Túrikmenstannan 750 stýdent ótinish berdi. Túrik tili kýrstary bir jyl boıy jalǵasady», - dep jazady TRT.

Iran ǵylym salasy boıynsha álemde 15-orynda - «Fars» aqparat agenttigi

Iran Islam Respýblıkasynyń Prezıdenti Hasan Rýhanı koronavırýspen kúres ulttyq shtabynyń otyrysynda Iran ǵylym salasy boıynsha álemde 15-orynda turǵanyn aıtty, dep jazady «Fars» aqparat agenttigi.

Hasan Rýhanı koronavırýspen kúres ulttyq shtabynyń otyrysynda sóılegen sózinde: «Iran ǵylym salasynda álem boıynsha – on besinshi, Batys Azııa aımaǵy men ıslam áleminde birinshi orynda», - dedi. Rýhanı sóziniń jalǵasynda eldegi koronavırýspen kúres salasyndaǵy medıtsınalyq personaldyń ǵylymı-zertteý jetistikterin qýattap:«Irannyń medıtsına salasynyń qyzmetkerleri árqashan maqtan tutýǵa laıyq boldy», - dep málimdegen.


Bizdiń kanalymyzǵa jazylyńyz:

#BAQ   #Qoǵam  
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT