+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Balany zorlap, órtep jibergen jambyldyq ómir boıyna túrmege toǵytyldy

2019 jylǵy 13 qarasha 15:55
Bólisińiz:
Balany zorlap, órtep jibergen jambyldyq ómir boıyna túrmege toǵytyldy

TARAZ. QazAqparat – Jambyl oblysynyń qylmystyq ister jónindegi mamandandyrylǵan aýdanaralyq soty Qarataý qalasynda 8 jasar qyzdy óltirý isi boıynsha úkim shyǵardy, dep habarlaıdy QazAqparat tilshisi.

Qylmystyq is boıynsha aldyn ala tyńdaý Jambyl oblystyq Prokýratýra basqarmasynyń prokýrory, memlekettik aıyptaýshy Ǵanı Qurmanovtyń, sottalýshy men jábirlenýshi advokattarynyń, sottalýshy men jábirlenýshiniń zańdy ókilderiniń qatysýymen ótti.

Kúdikti J. Baıdildaev QR azamaty, Qarataý qalasynyń 37 jastaǵy turǵyny, esh jerde jumys istemeıtin, úılengen, buǵan deıin «Urlyq» baby boıynsha isti bolǵan. Qylmystyq isti sotqa deıingi tergep-tekserý nátıjeleri jeti tomdy qurady. Sottalýshy jynystyq zorlyq-zombylyqtyń eki epızody boıynsha aıyptaldy: QR QK-niń 121-babynyń 4-bóligi jáne 99-babynyń 2-bóligi (kámeletke tolmaǵanǵa qatysty kisi óltirý), sondaı-aq 24-babynyń 3-bóligi, 120-babynyń 4-bóligi (2013 jylǵy oqıǵaǵa qatysty) boıynsha.

«Búgin Jambyl oblysynyń qylmystyq ister jónindegi mamandandyrylǵan aýdanaralyq sotynda 8 jasar Arýaı Berikti óltirý isi boıynsha úkim jarııalandy. Qylmysker ómir boıyna bas bostandyǵynan aıyrý jazasyna kesildi. Prokýratýranyń sottalýshyny ómir boıyna qamaý týraly talaby tolyq kólemde qanaǵattandyryldy. Úkim zańdy kúshine engen joq»,- dep habarlady Jambyl oblysy Prokýratýrasynyń baspasóz qyzmetinen.

Eske sala keteıik, aǵymdaǵy jyldyń 24 sáýirinde Talas aýdany Qarataý qalasynyń kámelettik jasqa tolmaǵan turǵyny joǵalyp ketken bolatyn. Kelesi kúni qala syrtynan joǵalǵan qyzdyń máıiti tabylyp, Polıtsııa departamenti qylmystyq isti «Kámeletke tolmaǵandy óltirý» babyna aýystyrdy. Asa aýyr qylmysty ashýǵa Іshki ister mınıstrliginiń, Jambyl oblysy Polıtsııa departamentiniń, prokýratýra jáne taǵy basqa kúsh qurylymdarynyń tájirıbeli qyzmetkerleri jumyldyrylǵan bolatyn. Birneshe kúnnen keıin qylmysty jasady degen kúdikpen J. Baıdildaev ustaldy.

Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT