FÝTBOLDAN ÁLEM ChEMPIONATY-2022
  Jańalyqtar  >
  Astana

Balany urǵan tárbıeshige qatysty sot úkimi shyqty

2022 jylǵy 2 qazan, 03:28
Balany urǵan tárbıeshige qatysty sot úkimi shyqty

ASTANA. QazAqparat - 30 qyrkúıekte Astana qalasy Almaty aýdanynyń № 2 aýdandyq soty balalardy damytý ortalyǵynyń tárbıeshisi K-ǵa qatysty aıyptaý úkimin jarııalady, dep habarlaıdy QazAqparat elorda sotyna silteme jasap.

Sotqa deıingi tergep-tekserý organy K-nyń balabaqsha tárbıeshisi bola otyryp, tanymdyq sabaqtar kezinde ony tyńdamaǵan Sh.-nyń qyńyrlyǵyna baılanysty balany júıeli túrde uryp-soǵýdy bastady degen aıyp taqqan.

«Sotta K balalar mekemesiniń tárbıeshisi bola otyryp, óz mindetterin oryndamaǵany jáne balany basynan alaqanymen soqqany anyqtaldy. Sottalýshy balanyń moınyna, keýdesine, sol jaq qolyndaǵy kógergen jáne sol qolynda qantalaǵan túrindegi dene jaraqattaryn keltirgeni týraly dálelder anyqtalǵan joq. Sonymen qatar sotta balalardyń balabaqshada bolǵan kezeńinde olardyń ómiri men densaýlyǵyna derbes jaýapty bolǵan K óz mindetterin oryndamaǵany, sonyń saldarynan balabaqshada balanyń belgisiz mán-jaılarda dene jaraqatyn alǵany dáleldendi», - dep jazdy vedomstvodan.

Sot jaza taǵaıyndaý kezinde sottalýshyǵa qatysty zańda (QK 53 – baby) kózdelgen jeńildetetin mán-jaı retinde onyń jas balasynyń bolýyn, júktiligin esepke aldy. Sondaı-aq K-ǵa kámeletke tolmaǵandarmen jumys isteýge baılanysty pedagogıkalyq laýazymdar men qyzmetterdi atqarý quqyǵynan 3 jyl merzimge aıyra otyryp, 91 890 teńge mólsherinde aıyppul taǵaıyndady.


Tegı:
Astana   Tárbıe   balabaqsha  
Uqsas jańalyqtar
Seriktester jańalyqtary

Jańalyqtar