+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Balalardyń avtobýspen tegin júrýinen elorda avtoparkterine túsetin salmaq qandaı

2020 jylǵy 27 aqpan 15:47
Bólisińiz:
Balalardyń avtobýspen tegin júrýinen elorda avtoparkterine túsetin salmaq qandaı

NUR-SULTAN. QazAqparat – City Transportation Systems (burynǵy «Astana LRT») kompanııasynyń basshysy Bekmyrza Igenberdınov Nur-Sultan qalasynda balalardyń qoǵamdyq kólikte tegin júrý sheshimi josparly túrde qabyldanǵanyn málim etti, dep habarlaıdy QazAqparat tilshisi.

Uqsas jańalyqtar
Bıyl elordadaǵy elektrobýstardyń sany 100-ge jetkiziledi

«Biz bul sheshimge josparly túrde keldik. Balalar – bizdiń bolashaǵymyz. Árbir tasymaldaýshynyń otbasy, balalary bar. Keıingi jyldary balalardy tasymaldaý kezinde týyndaıtyn qıyndyqtarǵa taldaý júrgizip kórdik. Tasymaldaýshylarmen birge balalardy tegin jetkizgen kezde shyǵatyn shyǵyndy eseptedik. Qoǵamdyq kólik júrgizýshileriniń tarapynan balalardy tasymaldaý kezinde qandaı jaǵymsyz jaǵdaılar kezdesip jatqanyn ózderińiz de kórip otyrsyzdar», - dedi Bekmyrza Igenberdınov «Elordadaǵy qoǵamdyq kólik keshenin damytý: keshe, búgin, erteń» atty kórme-konferentsııasynan keıin tilshilerge.

Kompanııa basshysy bul rette naqty qandaı oqıǵalar týraly aıtylyp otyrǵanyn jetkizdi.

«Álbette, tasymaldaýshylarǵa shyǵyn bolady. Biraq biz qystygúni oqýshylardy avtobýsqa kirgizbeı qoıǵan oqıǵalardy endi estimeıtin bolamyz. Mundaı jaǵdaılarda kompanııanyń ataq-abyroıyna edáýir nuqsan keledi. Jaǵymsyz jaımen birge aıyppul sanktsııalary da engiziledi. Mine, osy máselelerdiń bárin taldaı kele, balalarǵa tegin júrý tártibin engizgen jón dep sheshtik», - deıdi ol.

Bekmyrza Igenberdınov qazirgi ýaqytta qoǵamdyq kóliktermen shamamen 130 myń oqýshy tasymaldanatynyn aıtty.

«Tasymaldaýshylar úshin bul jeńildik aıyna 30 mıllıon teńgelik shyǵyn keltirýi múmkin. Álbette ázirge sýbsıdııa bul baǵytta bólinbeıdi. Máslıhatpen, ákimdikpen jumysty qalaı retteıtinimizdi, bıýdjet múmkindigine qaraı shyǵyndy toltyrý máselesin jeke qarastyramyz», - deıdi kompanııa basshysy.

Eske sala ketsek búgingi kórme-konferentsııa barysynda Bekmyrza Igenberdınov elordada kámeletke tolmaǵan balalar qalaishilik qoǵamdyq kólikpen tegin júretinin habarlaǵan edi.


Bizdiń kanalymyzǵa jazylyńyz:

Basty sózder: Nur-Sultan, Qoǵam,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT