Balalar jylyna arnalǵan is-sharalar Úkimet otyrysynda talqylanady
2022 jylǵy 27 qańtar 13:26

Balalar jylyna arnalǵan is-sharalar Úkimet otyrysynda talqylanady

NUR-SULTAN. QazAqparat – Balalar jylyna arnalǵan is-sharalar Úkimet otyrysynda talqylanady. Bul týraly QR Premer-Mınıstri Eraly Toǵjanov aıtty, dep habarlaıdy QazAqparat tilshisi.

«Bilim berý júıesindegi barlyq jumys, barlyq qabyldanǵan is-shara oqýshylardyń, tárbıelenýshilerdiń múddelerine baǵyttalýy tıis. Barlyq qujattyń astarynda balalardyń keleshegi turýy kerek. Ásirese, 2022 jyl - Balalar jyly. Bul - Memleket basshysynyń tikeleı bastamasy. Biz balalar jylynyń mazmunyn mańyzdy is-sharalarmen toltyrýǵa tıispiz», - dedi Úkimet basshysynyń orynbasary Bilim jáne ǵylym mınıstrliginiń keńeıtilgen alqa otyrysynda.

Úkimet basshysynyń orynbasary ásirese, ómirde qıyn jaǵdaıǵa tap bolǵan balalarǵa, balalar úıleriniń tárbıelenshilerine, múgedek balalarǵa qamqorlyq jasaýdyń mańyzy óte zor ekendigin basa aıtty.

« Sondyqtan osy baǵyttaǵy halyqaralyq tájirıbeniń barlyǵyn taǵy da zertteýdi tapsyramyz. Bul baǵytta aldymyzda biraz mindet tur. Ózderińizge belgili, Balalar jylyn ótkizýge arnalǵan jumystardy uıymdastyrý bastaldy. Sondyqtan osy rette iske asyrylatyn naqty is-sharalardy Úkimettiń otyrysynda arnaıy talqylaıtyn bolamyz. Munyń bári óte mańyzdy», - dedi Eraly Toǵjanov.


Jańalyqtar

MURAǴAT