Balalar jyly: ShQO-da túrme qyzmetkerleri ınternat oqýshylaryna azyq-túlik jetkizdi
2022 jylǵy 27 qańtar 06:38

Balalar jyly: ShQO-da túrme qyzmetkerleri ınternat oqýshylaryna azyq-túlik jetkizdi

ÓSKEMEN. QazAqparat – Shyǵys Qazaqstan oblysynda túrme qyzmetkerleri ınternat oqýshylaryna azyq-túlik jetkizdi, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetine súıensek, Óskemendegi OV 156/1 tergeý ızolıatorynyń ujymy qaladaǵy mektep ınternaty tárbıelenýshilerine azyq-túlik jetkizdi.

«Atalmysh túzeý mekemesiniń qyzmetkerleri únemi qaıyrymdylyqpen aınalysady. 2022 jyldy Prezıdent Qasym-Jomart Toqaevtyń «Balalar jyly» dep jarııalaǵany belgili. Osyǵan oraı bul joly ınternat oqýshylaryna kómek kórsetý jaıly sheshim qabyldanǵan», - delingen aqparatta.

Qylmystyq-atqarý júıesi departamenti qyzmetkerleriniń qamqorlyǵyna rıza bolǵan mektep dırektory Anar Jetibaeva óz alǵysyn jetkizdi.

«Mektebimizge túsken psıhıkalyq aýytqýshylyǵy bar balalardyń 90 paıyzy bilikti mamandardyń arqasynda túzelip shyǵady. Sondaı-aq túzetý mekemesi ujymynyń da zor kómegi tıip jatyr. Balalardyń atynan rızashylyǵymyzdy bildiremin, – dedi ol.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT