+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Balalar úıin jappaý keı adamdarǵa tıimdi bolyp otyr – Arýjan Saın

2020 jylǵy 15 shilde 16:02
Bólisińiz:
Balalar úıin jappaý keı adamdarǵa tıimdi bolyp otyr – Arýjan Saın

NUR-SULTAN. QazAqparat – Qazaqstan Respýblıkasyndaǵy Bala quqyqtary jónindegi ýákil Arýjan Saın Qazaqstanda bala asyrap alýda qandaı kedergiler bar ekenin aıtty, dep habarlaıdy QazAqparat.

«2006 jyldan beri bizdiń qor «Kazahstan bez sırot» jobasy arqyly elimizdegi jetim balalardyń sanyn azaıtý úshin jumys istep keledi. Bul týraly kóp jazdyq, zańnamany ózgertýge de qol jetkizdik. Ata-ana qaraýynsyz qalǵan bala balalar úıine túsedi. Árıne, eldegi áleýmettik jaǵdaı joǵary bolǵan saıyn, ata-analar da balalaryn qaldyrmas edi. «Analar úıi» de kóptegen áıelge balasymen panalaýǵa múmkindik berip, balalar úıiniń azaıýyna yqpal etti. Munda áıelderge jańa kásip úırenip, oqý oqyp, óz aıaǵyna turǵansha kómek kórsetiledi. Qaraýsyz qalǵan balalar týraly derekter bankin ashtyq. Qazaqstanda myńdaǵan adamdar balaly bolǵysy keledi, bala asyrap alǵysy keledi», - dedi Arýjan Saın Feısbýkte ótken Antikor.live konferentsııasynda.

Sonymen birge, spıker bala asyrap alýǵa kedergi keltiretin júıe týraly aıtyp berdi.

«Maǵan túrli shaǵymdar keledi: talap etýge quqyǵy joq qujattardy suratady, balany tańdaýǵa múmkindik bermeıdi, qujattardy jınap ákelgen adamǵa da «bala joq» dep jaýap beredi. Qalaısha joq? Balalar úıindegi ár bala otbasynda ómir súrýge laıyqty. Munyń barlyǵy memlekettik qarajat esebinen jumys isteıtin mekeme júıesine baılanysty bolyp otyr. Mundaı mekemege ár bala úshin aıyna 200 myń teńgege jýyq qarjy bólinedi. Bala kóp bolǵan saıyn, aqsha da kóbeıedi. Mundaı birtutas júıeni buzý qıyn. Olar úshin balalar úıiniń jabylmaı, jumys istep turǵany tıimdi. Biz túrli óńirlerdegi prokýratýralarmen jumys isteımiz. Olar bul saladaǵy aýqymdy jymqyrý faktilerin anyqtap otyr. Balalar – bul júıeniń tutqyny, ósedi de qaıda bararyn bilmeıdi. Eger ár bala óz otbasyn tapqanda, bala bolashaǵy da, jaǵdaı da basqasha bolar edi. Ázirge bul máseleniń jalǵyz sheshimi – balalardyń otbasynda tárbıelenýi», - dedi A. Saın.

Sóz sońynda spıker balalar úıinde tárıbelengenderdiń múlik máselesi týraly pikir bildirdi.

«Kóptegen balalar ata-anasynan, ata-ájesinen qalǵan murasy (páter nemese úı) bola tura balalar úıine túsedi. Keıin balalar úıinen shyqqanda, esh múliksiz qalady. Biz birneshe balanyń mura úshin kúresýine kómektestik. Volonterler quqyqtyq turǵyda qol ushyn sozdy. Birneshe jyl sotqa bardyq, BAQ ókilderin shaqyrdyq. Balalardyń múlki boıynsha muqııat tekserý jumystaryn júrgizý kerek», - dedi ýákil.

Buǵan deıin Arýjan Saın pandemııa kezindegi balalardyń quqyǵyn qorǵaý jumystaryn baıandaǵan edi. Sondaı-aq, spıker karantınde tólenetin járdemaqyny bala sanyna qaraı taǵaıyndaýdy usyndy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT