+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Balalar merekesine oraı Tarazda birqatar nysan ashyldy

2020 jylǵy 2 maýsym 08:48
Bólisińiz:
Balalar merekesine oraı Tarazda birqatar nysan ashyldy

TARAZ. QazAqparat – Jambyl oblysynyń ákimi Berdibek Saparbaev Halyqaralyq balalardy qorǵaý kúnine oraı Tarazdaǵy birqatar nysannyń saltanatty ashylýyna qatysyp, balalar úıiniń tárbıelenýshilerimen kezdesti, - dep habarlaıdy QazAqparat oblys ákimdiginiń resmı saıtyna silteme jasap.

Atap aıtsaq, bul kúni shahardaǵy Tuńǵysh Prezıdent saıabaǵynyń janynda balalardyń ınklıýzıvti oıyn alańy ashyldy. Atalǵan nysannyń qurylysyn Jambyl oblysy ákimdigi men seriktesteriniń qoldaýymen «Dara» qaıyrymdylyq qory júrgizgen.

Alań múgedekter arbasy erkin kire alatyndaı etip jabdyqtalǵan. Sondaı-aq, erekshe qajettilikteri bar balalarǵa arnalǵan qaýipsiz átkenshekter, yńǵaıly qumdy-ústelder, arnaıy taktıldi paneldermen qamtylǵan.


- Shyǵarmashylyq jáne fızıkalyq damýy úshin balalarǵa barlyq múmkindikter jasalýy tıis. Bul oraıda eshqandaı kedergi bolmaý kerek. Osyndaı erekshe oıyn alańdarynyń ashylýy ınklıýzıvti qoǵam damýyndaǵy úlken qadam bolyp tabylady. Alań óte yńǵaıly jerde ornalasqan. Kóp uzamaı balalarǵa jaıly jáne qaýipsiz bolýy úshin aınalany abattandyrý jumystary bastalady. Sondaı-aq, qala basshylyǵy mundaǵy jabdyqtardyń saqtalýyn qadaǵalap otyrýy kerek, - dedi oblys ákimi.


Atalǵan qor Taraz qalasynyń №20 orta mektebiniń bazasynda psıhologııalyq-pedagogıkalyq túzetý kabınetin ashý jobasyn júzege asyrǵan. «Dara» qorynyń joba menedjeri Sáýle Beksultanova túzetý kabıneti jyl saıyn ár túrli damý kemistigi bar 150-den astam balaǵa qyzmet kórsete alatyndyǵyn atap ótti.


Bul kúni «Jastar» qabiletin damytý ortalyǵynda «Asyl mura» front-keńsesiniń ashylýy boldy. «Asyl mura» – materıaldyq, rýhanı-mádenı, tarıhı murany saqtaý boıynsha volonterlik qozǵalystyń bir baǵyty.

Oblystyq jastar saıasaty máseleleri basqarmasynyń basshysy Serikbol Berikqoja atap ótkendeı, front-ofıs eriktiler men volonterlik uıymdardyń jumysyn úılestirý boıynsha turaqty qyzmet etetin alańǵa aınalmaq. Búginde oblys boıynsha 60-tan astam eriktiler qozǵalysy tirkelgen desek, olardyń quramyna 6 myńnan astam erikti toptasqan.

Berdibek Saparbaev jastardy eriktiliktiń basqa salalaryn damytýǵa jáne elimizdiń ıgiligi úshin aıanbaı ter tógýge shaqyrdy.

Sondaı-aq, aımaq basshysy jastarǵa qoldaý kórsetý ortalyǵynyń jumysymen tanysty.

Budan soń Berdibek Saparbaev ómirlik qıyn jaǵdaıǵa tap bolǵan balalardy qoldaý ortalyǵynda boldy. Ortalyq Q.Sarmoldaev atyndaǵy balalar úıi men kámeletke tolmaǵandardy beıimdeý ortalyǵyn biriktirý arqyly ashylǵan.

Búginde munda 73 bala tárbıelenýde. Oblys ákimi jatyn bólmelerdi, demalýshylar bólmesin, psıholog kabınetin, «Adaldyq dúkeni», «Rýhanı janǵyrý» ortalyǵyn, kitaphanany aralap kórip, oń baǵalady.

Berdibek Saparbaev balalardy qorǵaý kúnine arnalǵan kontserttik baǵdarlamanyń qurmetti qonaǵy atandy. Óńir basshysy barlyq tárbıelenýshilerdi merekemen quttyqtap, olarǵa táttiler túrindegi syılyqtar úlestirip, al ortalyqqa mýzykalyq stýdııany tabys etti.



Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT