+7 (701) 759 90 19
USD 433.55 EUR 515.53
RUB 5.62 CNY 66.25
Jańalyqtar

Balabaqshadaǵa qatigezdik: Ata-analar talap-tilekterin jetkizdi

2021 jylǵy 4 naýryz 22:35
Bólisińiz:
Balabaqshadaǵa qatigezdik: Ata-analar talap-tilekterin jetkizdi

ÓSKEMEN. QazAqparat – Shyǵys Qazaqstan oblysynda kámeletke tolmaǵandardyń isteri jáne olardyń quqyqtaryn qorǵaý jónindegi óńirlik komıssııanyń kezekten tys otyrysy ótti, dep habarlaıdy QazAqparat tilshisi.

Búgin ShQO ákimi Danıal Ahmetovtiń tapsyrmasy boıynsha kámeletke tolmaǵandardyń isteri jónindegi óńirlik komıssııa shuǵyl otyrysy ótkizildi. Buǵan Óskemen qalasynyń «Arman» balabaqshasynda bolǵan oqıǵa sebep.

Jınalysqa QR Bilim jáne ǵylym mınıstrliginiń, oblystyq prokýratýranyń, polıtsııa departamentiniń ókilderi, kámeletke tolmaǵandar isteri jónindegi qalalyq jáne aýdandyq komıssııa tóraǵalary men hatshylary, qalalar men aýdandardyń bilim berý bólimderiniń basshylary jáne «Arman» balabaqshasy tárbıelenýshileriniń ata-analary qatysty. Komıssııa tóraǵasy-oblys ákiminiń orynbasary Álisher Marhabattyń aıtýynsha, beınejazbadaǵy oqıǵa 17 aqpanda bolǵan. Alaıda balabaqsha ákimshiligi der kezinde tıisti sharalardy qabyldamady.

«Osylaısha, balabaqsha ákimshiligi zańbuzýshylyqǵa jol bergen. Vıdeoda tárbıeshi balany eki ret edenge laqtyrǵany jáne munyń bári basqa balalar men mekeme qyzmetkerleriniń kóz aldynda bolǵandyǵy kórinip tur. Oqıǵa aqpan aıynyń ortasynda bolsa da bizge bul jaǵdaı keshe ǵana belgili boldy. Balabaqsha ákimshiligi eshkimdi habardar etpegen. Osyǵan baılanysty, keshe óz tarapymyzdan shuǵyl sharalar qabyldap, barlyq derekterdi quqyq qorǵaý organdaryna berdik. 3 naýryzda QR QK 140-baby 2-bóligi boıynsha sotqa deıingi tergeý bastaldy. Búgin balabaqsha dırektory men tárbıeshi qyzmetterinen bosatyldy. Jaǵdaı oblys ákiminiń jeke baqylaýynda», - dedi Álisher Marhabat.

Balabaqsha tárbıelenýshileriniń ata-analary beınebaqylaý júıesi arqyly basqa toptardaǵy jaǵdaıdy jiti tekserýde. Helga Zarıtovskaıa ata-analardyń atynan otyrysta sóz sóılep, mektepke deıingi mekemeniń barlyq qyzmetkerlerine ádil jaza taǵaıyndalsyn degen tilek bildirdi.

«Balabaqshany tolyq tekserseńizder. Biz dırektorǵa, tárbıeshilerge, kútýshiler men medbıkelerge qatysty tıisti sharalar qabyldanǵanyn qalaımyz. Sonymen qatar vıdeodaǵy oqıǵanyń kýágeri bolsa da esh shara qabyldamaǵan hatshy da jaýapqa tartylýy kerek», - dedi ol.

Komıssııa músheleri túgeldeı ony qoldap, bolashaqta mundaı oqıǵalarǵa jol bermeý qajettigin atap ótti.

Budan bólek, komıssııa óńirdegi bilim berý uıymdarynyń beınebaqylaý júıesin Іshki ister organdarynyń jedel basqarý ortalyǵyna shyǵarý máselesin qarady. Komıssııanyń sheshimi boıynsha arnaıy jumys toby quryldy.

Aıta keteıik, búgingi tańda Shyǵys Qazaqstandaǵy barlyq balabaqshalar men mektepter beınebaqylaý júıesimen jabdyqtalǵan.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT