+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Baqytjan Saǵyntaev Investıtsııalar mınıstrine birqatar tapsyrma berdi

2018 jylǵy 27 naýryz 14:18
Bólisińiz:
Baqytjan Saǵyntaev Investıtsııalar mınıstrine birqatar tapsyrma berdi

ASTANA. QazAqparat - Búgin Úkimet otyrysynda QR Premer-Mınıstri Baqytjan Saǵyntaev Investıtsııalar jáne damý mınıstri Jeńis Qasymbekke óńdeý ónerkásibiniń barlyq salasyna taldaý jasaýdy tapsyrdy, dep habarlaıdy QazAqparat.

«Baǵdarlamanyń (Indýstrııaldyq-ınnovatsııalyq damý memlekettik baǵdarlamasy-avt.) 2017 jylǵy nátıjesi jaman emes. Barlyq negizgi kórsetkishter boıynsha naqty nátıjelerge qol jetkizildi. Degenmen birneshe máselege kóńil bólgim kelip otyr. Birinshi, Úkimettiń ótken jolǵy keńeıtilgen otyrysynda Elbasy óńdeý ónerkásibiniń ósimine qaramastan onyń ekonomıkadaǵy úlesi sońǵy jyldarda 11 paıyzdan aspaıtynyn atap kórsetken bolatyn. Osyǵan baılanysty Úkimettiń aldyna óńdeý ónerkásibiniń qarqynyn munan da joǵarylatý mindeti qoıyldy. Sol sebepten Jeńis Mahmuduly (Investıtsııalar jáne damý mınıstri Qasymbek - avt.) sizdiń mınıstrlik Ulttyq ekonomıka jáne salalyq mınıstrliktermen, «Atameken» UKP-men birlese otyryp, óńdeý ónerkásibiniń barlyq salasyna taldaý jasap, áleýeti bar ósý núktelerin aıqyndaýy qajet», - dedi Úkimet basshysy.

Sonymen qatar Baqytjan Saǵyntaev Memleket basshysynyń Qazaqstan halqyna Joldaýynda ındýstrııalandyrý jańa tehnologııalar engizýdiń kóshbasshysyna aınalýy tıis ekendigin erekshe atap kórsetkendigin eske saldy.

«Sol sebepten Jeńis Mahmuduly aıtylǵan máselelerdiń barlyǵy ındýstrııalandyrýdyń jańa memlekettik baǵdarlamasynyń tujyrymdamasyn daıyndaý kezinde eskerilýi qajet», - dedi ol.

Munan bólek, Premer-Mınıstr Investıtsııalar jáne damý mınıstriniń nazaryn Indýstrııalandyrý kartasy jobalaryn iske asyrýǵa aýdardy.

«Óńirlik kartalardy qaraǵan kezde 100-den astam joba engizilip otyr. Alaıda olardyń barlyǵy ındýstrııalandyrýdyń basymdyqtaryna saı kelmeıdi. Osyǵan baılanysty Jeńis Mahmuduly, «Atameken» UKP-men birlese otyryp, qajetti is-sharalardy qamtamasyz etý kerek. Taǵy bir másele, Jeńis Mahmudulynyń baıandamasynda aıtylyp ótkendeı, óńdelgen ónimniń eksporty boıynsha kórsetkishterdi qaraıtyn bolsaq, Aqmola oblysynyń byltyrǵy jylǵy naqty kólem ındeksi 60, Ońtústik Qazaqstan oblysy 71, Astana 40, Almaty 87 paıyzdy quraıdy. Osy óńirlerdegi qurmetti áriptester myna aıtylǵan tsıfrlarǵa kóńil bólýlerińizdi suraımyn», - dedi Baqytjan Saǵyntaev.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT