+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Baqytjan Saǵyntaev: Dári-dármektiń turaqty qoryn jasaýǵa 5 mlrd teńge bólindi

2020 jylǵy 10 shilde 14:57
Bólisińiz:
Baqytjan Saǵyntaev: Dári-dármektiń turaqty qoryn jasaýǵa 5 mlrd teńge bólindi

ALMATY. QazAqparat –Almaty ákimi Baqytjan Saǵyntaev búgin jumys keńesi barysynda farmındýstrııa ókilderimen megapolıske dári-dármekterdi jetkizý máselesin talqylady, dep habarlaıdy QazAqparat tilshisi.

«Dárilik preparattarǵa suranysty qamtamasyz etý jáne jedel jaǵdaı boıynsha qajetti sharalardy talqylaý úshin farmındýstrııa ókilderimen kezekti kezdesý ótkizdim. Kelip túsken dári-dármekter dárihana sórelerine bir táýliktiń ishinde jetkiziledi. Búgin Reseıden preparattardyń iri partııasy keledi. Shamamen 55 tonna dárilik zattar, sonyń ishinde COVID-19-ǵa qarsy – ystyqty túsiretin jáne antıkoagýlıanttar bar. Shilde aıynyń sońyna deıin áleýmettik mańyzy bar dári-dármekterdiń 4,2 mln qaptamasy jetkiziledi dep kútilýde», – dedi B. Saǵyntaev.

Qol qoıylǵan memorandým aıasynda qalanyń barlyq aýdandaryndaǵy 105 dárihanaǵa óte qajet preparattardyń 41 túri turaqty jetkizilýde. 1 shildeden bastap dárihanalar áleýmettik mańyzy bar 581 myń dári-dármek qaptamasyn aldy. Jalpy, búgingi kúni 105 dárihana men jetkizýshilerdiń qoımalarynda 1,8 mln qaptamadaǵy qajetti dári-dármekter bar.

Sonymen qatar, qala ákimi dárilik preparattardyń turaqty qoryn jasaý jónindegi jobany júzege asyrý týraly aıtty.

«Kelesi qadam – dárilerdiń turaqtandyrý qoryn qurý. Dári-dármek jetkizýshilerdi 6-8 aı merzimge paıyzsyz nesıelendirý úshin 5 mlrd teńge bólindi. Bul – dári-dármekterdi aǵymdaǵy baǵa boıynsha satyp alyp, naryqtyń qubylmaly jaǵdaıyna baılanysty birtindep paıdalanýǵa berý úshin jasaldy», - dedi qala ákimi.

Sondaı-aq, atalǵan 105 dárihanaǵa kún saıyn monıtorıng júrgiziledi.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT