+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Baqytjan Saǵyntaev Almatynyń bolashaǵy týraly aıtty

2019 jylǵy 9 qazan 14:39
Bólisińiz:
Baqytjan Saǵyntaev Almatynyń bolashaǵy týraly aıtty

ALMATY. QazAqparat – Almaty qalasynyń ákimi Baqytjan Saǵyntaev megapolıstiń bolashaǵy týraly aıtty, dep habarlaıdy QazAqparat tilshisi.

Uqsas jańalyqtar
Almatyda iri JOO-lardy qala syrtyna kóshirý usynyldy Almatyda «Kazakhstan Urban Conference 2019» forýmy ótip jatyr 2050-Damý strategııasy: Almaty qalaı túrlenedi

«Ekinshi strategııalyq basymdyq – Almatyda shetki aýdandar bolmaýy kerek. Ol – biregeı sıpattaǵy tartymdy oryndary bar polıortalyqtandyrylǵan qala bolýy tıis. Bizge almatylyqtardyń joǵary ómir súrý deńgeıi qajet. Bul – óte mańyzdy. Óıtkeni, búginde qalanyń ortalyǵy men shetki aımaq arasynda ómir súrý deńgeıinde alshaqtyq baıqalady», - dedi Baqytjan Saǵyntaev.

Ákimniń aıtýynsha, qalanyń irgesindegi yqsham aýdandardyń basym bóliginde ortalyqtandyrylǵan sý, káriz júıesi joq, joldary jóndelmegen, kóshelerine jaryq tartylmaǵan.

«Bilim berý, densaýlyq saqtaý, mádenıet, qoǵamdyq nysandardyń basym kópshiligi Raıymbek dańǵylynyń ońtústiginde «joǵarǵy» aýdandarda ornalasqan. Medeý aýdanynda ortasha jalaqy Naýryzbaı aýdanymen salystyrǵanda 2 ese joǵary. Megopolıs ortalyǵy men shetki aýdandardyń damý deńgeıinde alshaqtyq bar. Osy máselelerdi sheshý úshin «Jańa Almaty» josparyn jasadyq. Onyń basty maqsaty – aldaǵy 5 jylda sýmen jabdyqtaý, jaryqtandyrý, aýlany abattandyrý, qoǵamdyq kólik, turǵyn úı, balabaqsha, mektep, jol sııaqty máselelerdi sheshý», - dedi Baqytjan Saǵyntaev.

Ol óz sózinde megapolısttiń shetki aımaqtaryn damytýǵa shamamen 800 mıllıard teńge qajet bolatyndyǵyn atap ótti. Máselen, 2021 jyldyń sońyna deıin qala shetindegi 23 shaǵynaýdandy tolyqtaı sýmen jáne kárizben qamtamasyz etý kózdelgen. Sondaı-aq, kósheler men aýlalardy jaryqpen 100% qamtýdy josparlap otyr.

«Sonymen qatar, biz áýejaı mańyndaǵy «Shyǵys qaqpasy», Qapshaǵaı baǵytyndaǵy «Soltústik qaqpany», JEO-2 janyndaǵy «Batys qaqpany», Indýstrıaldy aımaqty, Qaskeleń baǵytyndaǵy «Ońtústik qaqpany» damytamyz. «Innovatsııalyq tehnologııalar parki» jańadan damıtyn bolady. Osy aımaqtardyń barlyǵynda halyqtyń kóp shoǵyrlanýyna jaǵdaı jasaımyz. Jańadan jumys oryndaryn ashamyz», - dedi ákim.

Jergilikti bılik Jańa Almatyda, turǵyndar úshin jańa alańdar, saıabaqtar men demalys aımaqtaryn qurýdy josparlap otyr.

«Qalany polıortalyqtandyrý kezinde Almatynyń kóne tarıhı jáne mádenı ortalyǵynyń kelbetin saqtaý jónindegi jumystar qatar júretin bolady. Qazir tarıhı jáne sáýlet eskertkishteri bolyp sanalatyn eski ǵımarattardy tekserýdi bastadyq. Tarıhı ortalyq - Almatynyń júregi, bul týraly bárimiz bilýge jáne maqtanýǵa tıispiz», - dedi shahar basshysy.

Eske salaıyq, búgin B. Saǵyntaev ál-Farabı atyndaǵy Qazaq ulttyq ýnıversıtetiniń stýdentterimen kezdesýde qalanyń Damý strategııasy týraly aıtyp berdi. Almaty qalasynyń uzaqmerzimdi maqsaty – ómir sapasy boıynsha álemdegi úzdik 100 qalanyń qataryna ený ekendigi atap ótildi.

Bizdiń kanalymyzǵa jazylyńyz:

Basty sózder: Almaty, Ákim, Aımaq,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT