+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Baqytjan Saǵyntaev almatylyqtardyń suraqtaryna jaýap berdi

2019 jylǵy 10 jeltoqsan 14:41
Bólisińiz:
Baqytjan Saǵyntaev almatylyqtardyń suraqtaryna jaýap berdi

ALMATY. QazAqparat – Túrksib aýdanynyń turǵyndarymen kezdesken Almaty ákimi Baqytjan Saǵyntaev eski úılerdi súrý, mektepterdegi oryn tapshylyǵy, qoǵamdyq kólik qatynasy týraly aıtty, dep habarlaıdy QazAqparat tilshisi.

Bul kezdesý «ashyq mıkrofon» qaǵıdatymen ótti.

Qalada 3 myńǵa jýyq eski úı bar bolsa, olardyń jartysy Túrksib aýdanynda ornalasqan. «Eski baspana» baǵdarlamasy aıasynda apattyq úılerdi súrý úshin jekemenshik ınvestorlar tartylýda.

«Osy baǵyttaǵy jumys jalǵasyp jatyr. Alaıda, barlyq turǵyndar birdeı ótemaqy kólemimen kelise bermeıdi. Sol úshin súrý protsesi tym uzaqqa sozylyp ketedi», - dedi Saǵyntaev.

Almaty basshysy uzaq jyldar boıy turǵan aýdandaǵy 12 myń aǵashty otaý kerektigin aıtty.

Turǵyndardyń biri «Nurshashqan» shaǵynaýdanyndaǵy emhananyń qurylysy nelikten aıaqtalmaı jatqanyn surady. Óz kezeginde Baqytjan Saǵyntaev qujattardy qysqa merzimde rásimdep, quzyrly organdarǵa kelesi jyly áleýmettik nysandy paıdalanýǵa berýdi tapsyrdy.

Sonymen qatar ol adam aǵyny kóp jaıaý júrginshiler joldaryna baǵdarsham ornatýdy buıyrdy.

«Turǵyndardyń aǵymdaǵy máselelerin tez sheship, júıeli máselelerge kóshý kerek», - dedi ákim.

Aıta ketý kerek, jaqynda B.Saǵyntaev Almatynyń 2020 jylǵa deıingi damý strategııasyn kópshilik talqylaýyna shyǵarǵan bolatyn. Bul qujatta Almatyny álemniń úzdik 100 qalasynyń qataryna engizý basty maqsat retinde kórsetilgen.

«Osy ambıtsıozdy maqsatqa jetý úshin jaqyn jyldary jol jáne kommýnaldyq ınfraqurylym máselelerin sheshý qolǵa alynǵan. Qalanyń kez kelgen aýdanynda jol, sýmen qamtý, barlyǵy teńdeı dárejede bolýy tıis. Sol úshin biz bir-birimizdiń pikirimizge qulaq asyp, jumys istegen durys», - dedi ákim.

Turǵyndardyń kópshiligi Túrksib aýdanyndaǵy qoǵamdyq kólik qatynasyna qatysty shaǵym aıtty.

«Qoǵamdyq tasymaldaýǵa keler bolsaq, aldaǵy ýaqytta ozyq elderdiń tájirıbesine súıenetin bolamyz. Halyqtyń suranysy qaı jerde kóp, sol jerge qosymsha kólik, marshrýt bólinedi», - dedi B. Saǵyntaev.

Al turǵyndardyń mektep tapshylyǵy týraly saýalyna memlekettik-jekeshelik áriptestik aıasynda 13 myń oryndyq bilim mekemesin salýǵa baǵdarlama jasalyp jatqany aıtyldy. Jalpy qalada 30 myń oqýshy orny tapshy.

Bizdiń kanalymyzǵa jazylyńyz:

#Almaty   #Ákim   #Aımaq  
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT