+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Baqytty otbasy: ShQO-da 500-den astam kópbalaly januıadan ótinish tústi

2021 jylǵy 8 qyrkúıek 17:56
Bólisińiz:
Baqytty otbasy: ShQO-da 500-den astam kópbalaly januıadan ótinish tústi

ÓSKEMEN. QazAqparat – Shyǵys Qazaqstan oblysynda «Baqytty otbasy» baǵdarlamasyna qatysýǵa 500-den astam kópbalaly januıa ótinish bergen, dep habarlaıdy QazAqparat tilshisi.

Uqsas jańalyqtar
Jyl basynan beri kópbalaly otbasylar 210,2 mlrd teńge járdemaqy aldy

Óńir boıynsha «Baqytty otbasy» baǵdarlamasyna qatysýǵa kóp ótinim túsip jatyr.

Lımıt 370 bolǵanymen, qazirdiń ózinde 1800 ótinish keldi. Onyń 551-i - kópbalaly otbasy.

«Osyǵan oraı qala men aýdan ákimderine atalǵan baǵdarlamaǵa naqty qansha otbasy qatysýǵa daıyn ekendigin anyqtaýdy tapsyrdym. Eldi mekenderde aýdany 140 sharshy metr bolatyn ekipáterli úıler salýǵa qandaı ýchaskeler bólýge bolatyndyǵyn aıqyndaý qajet. Bankter de qoldaý kórsetip, kópbalaly otbasylar men múmkindigi shekteýli bala tárbıelep otyrǵan januıalarǵa 9 mln teńge kóleminde jeńildetilgen nesıe berýge daıyn. Biz óz tarapymyzdan 1,5 mln teńgeniń jáne «Paryz» qorynan 700 myń teńgeniń sertıfıkattaryn usynamyz», - dedi ShQO ákimi Danıal Ahmetov. ⠀

Óz sózinde ol kommertsııalyq turǵyn úı salý úshin ákimderge ınvestorlardy shaqyrýǵa, olarǵa ınfraqurylymy júrgizilgen ýchaskelerdi jáne daıyn jobalardy usynýǵa ruqsat berilgen.

Mundaı páterlerge qazir suranys joǵary. Sondyqtan kelesi jyly arnaıy joba daıyndalmaq. ⠀

«Qurylys salasy boıynsha Rıdder qalasy berilgen tapsyrmany oryndaı almaı qalýy múmkin. Onda bar bolǵany eki kóppáterli úı salynýda. 9 qyrkúıek kúni ol jerge meniń orynbasarym bastaǵan arnaıy komıssııa barady. Olar turǵyn úı, áleýmettik nysandar men mektep qurylysy jumystaryn jáne jylytý maýsymyna daıyndyqty tekseredi. Sonymen qatar nysandardyń birinde karkas jumystarynyń merzimi sozylyp ketken Kúrshim aýdany da kóshten qalyp keledi. Bul – aýdan ákimi men qurylys basqarmasy tarapynan jiberilgen kemshilik. Qalǵan aýdandarda qurylys pen rekonstrýktsııalaý jumystary keste boıynsha júrgizilip keledi», - dedi aımaq basshysy.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT