+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

«Baqytty otbasy»: Qostanaı oblysynda muqtaj jandarǵa 50 páter berildi

2019 jylǵy 19 qarasha 10:32
Bólisińiz:
«Baqytty otbasy»: Qostanaı oblysynda muqtaj jandarǵa 50 páter berildi

QOSTANAI. QazAqparat – Qostanaıda oblys ákiminiń qatysýymen ótken jıynda «Baqytty otbasy» baǵdarlamasynyń nátıjeleri qorytyndylandy, dep habarlaıdy QazAqparat.

Uqsas jańalyqtar
«Baqytty otbasy»: Bıyl elordada 2 myńǵa jýyq baspana beriledi «Baqytty otbasy» psıhologtary almatylyq qansha jupty tatýlastyrdy Pavlodar oblysynda «Baqytty otbasy» baǵdarlamasy boıynsha 158 ótinim maquldandy

Oblystyq halyqty jumyspen qamtý jáne áleýmettik baǵdarlamalardy úılestirý basqarmasynyń bastyǵy Gúlnár Ábenovanyń aıtýynsha, Qostanaı kásipkerleri men aýylsharýashylyq taýarlaryn óndirýshiler atalmysh baǵdarlamany barynsha qoldady. Olar turǵyn úıdi satyp alýǵa jáne jóndeýge, turmysy tómen, kópbalaly otbasylardy kómirmen, otynmen, azyq-túlikpen qamtamasyz etýge belsene qatysqan.

«Oblysta 4 jáne odan da kóp balalary bar 5086 otbasy turady. Olardyń arasynan kezek boıynsha muqtaj jandarǵa 50 úı men páter berilgen. Jalpy somasy 93 mln teńgeden asady. Altynsarın, Áýlıekól, Jitiqara, Qarabalyq, Naýyrzym, Beıimbet Maılın, Uzynkól aýdandary men Arqalyq, Lısakov, Rýdnyı, Qostanaı qalalarynyń kásipkerleri jaqsy kómektesti. Sonymen qatar, 16 muqtaj januıanyń úıine jóndeý jumystary júrgizildi. Buǵan shamamen 3 mln teńgeden astam qarjy jumsalǵan. Jaqynda ǵana Áýlıekól men Sarykól aýdandarynda taǵy eki otbasynyń páterine jóndeý júrgizildi», - deıdi basqarma basshysy.

Taıaýda oblysta qarjylaı múmkindigi joq kópbalaly jáne az qamtylǵan 454 otbasyna qajetinshe kómir, otyn aǵashy túsirilgen. Atap aıtsaq, 9,5 mln teńgege 609 tonna kómir jáne 269 tekshe metr otyn jetkizilgen. Munyń syrtynda 1 462 otbasy kúndelikti azyq-túlikpen, 39 otbasy 98 tonna mal azyǵymen qamtamasyz etildi. Barlyǵyna 28 mln teńgeden astam qarjy jumsaldy. 22 otbasynyń kommýnaldyq qyzmetter úshin qaryzy ótelgen jáne energııamen jabdyqtaýdy qalpyna keltirýge 4,9 mln teńgege kómek kórsetildi.

«Jylytý maýsymy bastalyp ketti. Osy rette, turmysy tómen otbasylardy kómirmen jáne otynmen qamtamasyz etýge basa nazar aýdarý qajet. Maǵan kelgen málimetke sensek, peshpen jaǵylatyn úılerge arnaıy datchıkter ornatylǵan. Bul úılerdegi órt qaýipsizdigin saqtaýdy qamtamasyz etý máselesin kún tártibinen túsirmeńizder!» - dedi oblys ákimi Arhımed Muhambetov jıyndy qorytyndylaı kele.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT