Baqytty otbasy baǵdarlamasyna ótinim qabyldaý bastalady
2022 jylǵy 25 sáýir 13:04

Baqytty otbasy baǵdarlamasyna ótinim qabyldaý bastalady

NUR-SULTAN. QazAqparat – Bıyl mamyr aıynda «Baqytty otbasy» turǵyn úı baǵdarlamasyna azamattardan ótinim qabyldana bastaıdy. Bul týraly «Otbasy bank» AQ basqarma tóraǵasy Lázzat Ibragımova málim etti, dep habarlaıdy QazAqparat tilshisi.

«Bıyl mamyrda «Baqytty otbasy» baǵdarlamasyn jalǵastyramyz. Atalǵan turǵyn úımen qamtý baǵdarlamasy osymen tórtinshi jyl iske asyp keledi. Ol úshin bıýdjetten 51 mlrd teńge kelip tústi. Jospar boıynsha 5 myń otbasyǵa 2 paıyzdyq mólsherde turǵyn úı beriledi. Sonymen qatar kelesi aıdan bastap «Áskerı baspana» baǵdarlamasyn iske qosamyz», - dedi Lázzat Ibragımova Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, bıyldyqqa 22 myń azamat turǵyn úı nesıesine ıe boldy.

«Sondaı-aq, jyl bastalǵaly 240 myń qazaqstandyq bizdiń bankten depozıt ashty. Ol depozıtterge 4 aıdyń ishinde 511 mlrd teńge aýdaryldy», - deıdi ol.

Buǵan deıin atalǵan bank basshysy keıbir qazaqstandyqtardyń jyljymaıtyn múlki bola tura, turǵyn úı kezegine qoıylǵanyn aıtty .

Odan bólek, jalǵa beriletin turǵyn úıge sýbsıdııa alýdyń reti túsindirildi .


Uqsas jańalyqtar
Seriktester jańalyqtary

Jańalyqtar

Úrdis

MURAǴAT