«Baqytty otbasy» baǵdarlamasyna ótinim qabyldaý 20 maýsymda bastalady
2022 jylǵy 7 maýsym 19:10

«Baqytty otbasy» baǵdarlamasyna ótinim qabyldaý 20 maýsymda bastalady

NUR-SULTAN. QazAqparat – Bıylǵy 20 maýsymnan bastap qazaqstandyqtar «Baqytty otbasy» turǵyn úı baǵdarlamasyna qatysýǵa ótinim bere alady, dep habarlaıdy QazAqparat tilshisi.

«Atalǵan baǵdarlamaǵa kópbalaly otbasylar, erekshe qajettiligi bar bala tárbıelep otyrǵan jáne tolyq emes otbasy (ajyrasqan ýaqyty 3 jyldan kem bolmaýy tıis) sanatyna jatatyn memlekettik páter kezegine turǵan Otbasy bankiniń salymshylary qatysa alady», - dep habarlaıdy bankten.

Qarjy uıymy taratqan aqparatqa sáıkes, ótinim otbasybank.kz saıty arqyly qabyldanady.

ıAǵnı bankke nemese ákimdikke barýdyń qajeti joq.

Eske sala ketsek, buǵan deıin «Baqytty otbasy» baǵdarlamasyna ótinim qabyldaýdyń keıinge shegerilgenin habarlaǵan edik.

«Otbasy bankiniń» basqarma tóraǵasy Lázzat Ibragımova keltirgen derekke sáıkes atalǵan turǵyn úı baǵdarlamasyn júzege asyrýǵa 51 mlrd teńge bólingen.

Sondaı-aq 5 myńǵa jýyq otbasy baspanaly bolady dep kútilip otyr.


Seriktester jańalyqtary

Jańalyqtar

Úrdis

MURAǴAT