+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Baqyt Sultanov Qazaqstandaǵy Koreıa elshisimen eki eldiń saýda-sattyq máselesin talqylady

2020 jylǵy 21 aqpan 08:24
Bólisińiz:
Baqyt Sultanov Qazaqstandaǵy Koreıa elshisimen eki eldiń saýda-sattyq máselesin talqylady

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov Koreıa Respýblıkasynyń Qazaqstandaǵy Tótenshe jáne Ókiletti Elshisi Kım De Sıkpen kezdesti, dep habarlaıdy QazAqparat.

Bul týraly vedomstvo basshysy Facebook-tegi resmı paraqshasynda jazdy.

«Koreıa Respýblıkasynyń Qazaqstandaǵy Tótenshe jáne Ókiletti Elshisi Kım De Sıkpen kezdestim. Kezdesý SIM-de ótti. Koreıa biz úshin mańyzdy strategııalyq áriptes bolyp tabylady. Bizdiń ekijaqty yntymaqtastyǵymyzdyń arsenalynda Nur-Sultandaǵy Hyosung (transformatorlar óndirisi) jáne Pavlodarda Posco (bolat quıý óndirisi) sııaqty mańyzdy mysaldar bar» dep jazdy mınıstr.

Sondaı-aq, Baqyt Sultanov eki eldiń ózara qarym-qatynasyn kemshiliksiz emesin tilge tıek etti. Mysaly, saýda balansy teris bolýda. Odan bólek, eki eldiń saýda qarym-qatynastary óte serpindi damyp kele jatqanyn jáne sońǵy ýaqytta saýda aınalymy 2 esege jýyq óskenin mysal etti.

«Qazaqstanda óndirilgen taýarlardyń Koreı naryǵyndaǵy áleýeti baıqalýda. Biz qundy qurýdyń jahandyq tizbekshesine endire alatyn ónimdi taldaý boıynsha belsendi jumys isteımiz. Búgin áńgimelesý barysynda kásiporyndar bir-birin tabýǵa kómektesý úshin negizgi sátterde shoǵyrlana alatyn atap óttim.


Bizdiń maqsatymyz - naqty nátıjeler shyǵarý. Sondyqtan búgingi tańda naqty baılanystar men áriptestik qatynastardy izdeý mańyzdy bolyp tabylady. Koreıa úshin biz ulttyq óndiristi ártaraptandyrýdy jáne óndiristik tizbekshelerdi qurýdy eskere otyryp, jasalǵan 50 ataýdan turatyn taýarlar tizimin ázirledik. Bul jumys avtomobıl qurastyrýda burynnan beri júrgizilip jatyr. Elshi myrza bizdiń tizimde saýda qatynastaryna draıv bere alatyn taýarlar bar dep sanaıdy» dep jazdy ol.


Baqyt Sultanov naýryz aıynda saýda mınıstrliginiń ókilderi saýda qatynastaryn ártaraptandyrý jáne damytý boıynsha úzdik sheshimder tabý mindetimen Koreıaǵa baratynyn málimdedi.

Sondaı-aq, QazTrade pen Koreı damý ınstıtýttarymen kedergilerdi joıý, logıstıkalyq shyǵyndardy alyp tastaý jáne jańa dálizderdi qarastyrý boıynsha yntymaqtastyq nusqalary talqylaǵanyn, QR Koreıa úshin Taıaý Shyǵys pen Eýropaǵa odan ári ekspansııa jasaý úshin hab bolýy múmkin ekenin atap ótti.


Bizdiń kanalymyzǵa jazylyńyz:

Bólisińiz:

Avtor:

Erbol Janat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT