+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Bakýde TMYK memleket basshylarynyń VII sammıti bastaldy

2019 jylǵy 15 qazan 14:28
Bólisińiz:
Bakýde TMYK memleket basshylarynyń VII sammıti bastaldy

BAKÝ. QazAqparat – Ázerbaıjan astanasynda Túrkitildes memleketter yntymaqtastyq keńesine múshe memleketter basshylarynyń 7-shi sammıti bastaldy, dep habarlaıdy QazAqparat tilshisi.

Uqsas jańalyqtar
Ózbekstan Olıı Majlıs Senatynyń tóraǵasy Qazaqstanǵa keledi Úndistannyń Qazaqstandaǵy Elshisi: Mahatma Gandı – zaman adamy Sheteldikterdiń Qazaqstanǵa kelýin jeńildetý jumysy qalaı júrgizilip jatyr

Sharaǵa TMYK elderiniń basshylary - Túrkııa Prezıdenti Rejep Erdoǵan, Ázerbaıjan Prezıdenti Ilham Álıev, Qyrǵyzstan Prezıdenti Sooronbaı Jeenbekov, sondaı-aq Qazaqstannyń Tuńǵysh Prezıdenti - Elbasy Nursultan Nazarbaev qatysýda. Sonymen qatar, Ózbekstan Prezıdenti Shavkat Mırzıeev bul uıymnyń tolyqqandy múshesi retinde alǵash ret qatysyp otyr.

Sammıt taqyryby - «Shaǵyn jáne orta bıznes».

Eske sala ketsek, bıyl Qazaqstan, Túrkııa, Ázerbaıjan jáne Qyrǵyzstan prezıdentteri qol qoıǵan tarıhı qujat – Nahchyvan deklaratsııasyna týra 10 jyl tolyp otyr. 2009 jyly Ázerbaıjannyń Nahchyvan qalasynda ótken Túrkitildes memleketter basshylarynyń IX sammıtinde Nahchyvan deklaratsııasyna qol qoıyldy. Osylaısha, Qazaqstannyń Tuńǵysh Prezıdenti Nursultan Nazarbaevtyń Túrki keńesin qurý ıdeıasy iske asqan edi.

2011 jylǵa deıin túrkitildes memleketter basshylarynyń sammıtteri forým formatynda ótip kelgen edi.

2010 jyldyń qyrkúıeginde Ystanbul qalasynda (Túrkııa Respýblıkasy) túrkitildes memleketter basshylarynyń 10-shy sammıtinde túrik dıplomaty Halıl Aqynjıdi Túrki Keńesiniń birinshi Bas hatshysy etip taǵaıyndaý týraly sheshim qabyldandy.

Túrki keńesine Ázerbaıjan, Qazaqstan, Qyrǵyzstan jáne Túrkııa elderi kiredi. 2018 jyldan bastap Majarstan – TMYK-ta baqylaýshy memleket.

TMYK elderiniń zańnamalyq organdary - bul Memleket basshylarynyń keńesi (sammıt) jáne Syrtqy ister mınıstrleriniń konferentsııasy (SІM). TMYK-nyń jumys organy - aǵa laýazymdy tulǵalar komıteti (ATK). Múshe memleketterdiń mınıstrleri men sarapshylary turaqty negizde kezdesý ótkizip turady.

Ózara jumystardy úılestirý úshin Túrki Keńesiniń Hatshylyǵy turaqty negizde Ystanbul qalasynda jumys istep tur. Ony 2018 jyldyń qyrkúıeginen bastap Qazaqstannyń ókili, elshi Baǵdat Ámireev basqarady.

2011 jyldan bastap 2018 jylǵa deıingi aralyqta TMYK múshe-memleketteri kezek-kezek alty sammıt ótkizdi. Sammıtterdiń kún tártibinde ekonomıkalyq, mádenı, gýmanıtarlyq, kólik, týrıstik jáne aqparattyq salalardaǵy yntymaqtastyqty nyǵaıtý máseleleri talqylanǵan.

Keńestiń 6-shy sammıti 2018 jyldyń 3 qyrkúıeginde Cholpon-Atada (Qyrǵyz Respýblıkasy) «Ulttyq sport jáne jastar saıasaty salasyndaǵy yntymaqtastyq» taqyrybynda ótti. Sammıt qorytyndysy boıynsha memleket basshylary Deklaratsııaǵa, sonyń ishinde TMYK-da Majarstanǵa baqylaýshy mártebesin berý jáne Túrki yntymaqtastyq uıymdaryn reformalaý tujyrymdamasyn ázirleý qujattaryna qol qoıyp, Túrkitildes memleketterdiń ıntegratsııasy Tujyrymdamasy (Qazaqstan bastamasy) maquldandy.

Búgin, ıaǵnı 2019 jyldyń 15 qazanynda Baký qalasynda (Ázerbaıjan Respýblıkasy) «Shaǵyn jáne orta bıznesti damytý» taqyrybyna arnalǵan 7-shi sammıt bastaldy.

Túrki keńesi aıasynda tórt jumys toby jumys isteıdi. Olardyń qyzmeti keńeske múshe memleketter arasyndaǵy saýda-ekonomıkalyq yntymaqtastyqty, kásipkerlik pen týrızmdi damytýǵa, sondaı-aq ınvestıtsııalyq ahýaldy jaqsartýǵa baǵyttalǵan.

2011 jyly Túrki Keńesiniń Іskerlik keńesi qurylyp, onyń 5 otyrysy ótkizildi. Sondaı-aq shaǵyn jáne orta bıznesti damytý, ınvestıtsııalyq ahýaldy jaqsartý, ınvestıtsııalyq statıstıkany jaqsartý týraly memorandýmdarǵa jáne ulttyq telearnalar arasyndaǵy yntymaqtastyq týraly hattamaǵa qol qoıyldy. Týrızm salasynda «Qazirgi zamanǵy Jibek joly» arnaıy birlesken jobasy iske qosyldy. Oǵan Túrki keńesine múshe elderdiń mádenı jáne tarıhı qalalaryn basyp ótetin 14 kúndik saıahat enedi.

2019 jyldyń 17 mamyrynda Nur-Sultan qalasyndaǵy Astana ekonomıkalyq forýmy alańynda TMYK memleketteri iskerlik ortalarynyń ózara yntymaqtastyǵyn jolǵa qoıýǵa baǵyttalǵan Túrki saýda-ónerkásiptik palatasyn (TSÓP) qurý týraly qujatqa qol qoıdy.

Mádenı-gýmanıtarlyq saladaǵy yntymaqtastyqty damytýǵa Halyqaralyq Túrki mádenıeti uıymy (TÚRKSOI) men Qazaqstan ókilderi basqaratyn Túrki akademııasynyń belsendi qyzmeti yqpal etedi. Ázerbaıjan Prezıdenti I.Álıevtiń bastamasymen 2014 jyly qurylǵan Túrki mádenıeti men murasy qory birqatar obektıvti jaılarǵa baılanysty belsendi operatsııalyq áreketterdi bastaǵan joq.

TMYK aıasynda Túrki ýnıversıtetteriniń odaǵy jumys isteıdi. Onyń quramyna Qazaqstandaǵy ál-Farabı atyndaǵy QazUÝ, Gýmılev atyndaǵy EUÝ, H.Dosmuhamedov atyndaǵy Atyraý memlekettik ýnıversıteti enedi.

Jastar saıasaty salasyndaǵy yntymaqtastyqty nyǵaıtýǵa Jastar festıvalin júıeli túrde ótkizý, túrki jastarynyń lageri men túrkitildes memleketterdiń jas dıplomattaryna arnalǵan kýrstardy uıymdastyrý jumystary kómektesedi. 2018 jyldyń 5-10 sáýirinde Bakýde Túrki keńesiniń alǵashqy stýdenttik oıyndary (Túrki ýnıversıadasy) ótken bolatyn.

Óz kezeginde Dúnıejúzilik kóshpendiler oıyndarynyń turaqty túrde ótkizilýi túrkitildes halyqtardyń mádenı jáne tarıhı baılanystarynyń tereńdeýine yqpal etýde.

2008 jyldan bastap parlamentaralyq yntymaqtastyqty damytýǵa baǵyttalǵan Túrkitildes memleketterdiń Parlamenttik Assambleıasy jumys júrgizip keledi.

Qazirgi ýaqytta Qazaqstannyń bastamasymen TMYK-qa múshe memleketter jáne barlyq túrki uıymdary túrki yntymaqtastyǵyn reformalaý týraly Tujyrymdama jobasy boıynsha jumys bastaǵan. Ol Tujyrymdama Bakýde ótip jatqan TMYK sammıtinde bekitilýi tıis.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT