+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Bakýde Abaıǵa ornatylǵan eskertkish taqta jańartyldy

2020 jylǵy 10 tamyz 19:30
Bólisińiz:
Bakýde Abaıǵa ornatylǵan eskertkish taqta jańartyldy

BAKÝ. QazAqparat –Ázerbaıjan astanasynda Abaı kúni atalyp ótildi, dep habarlaıdy QazAqparattyń menshikti tilshisi.

Uqsas jańalyqtar
Qaraǵandyda «Uly Abaıdyń izimen: rýhanı sapar» atty ekspedıtsııa bastaldy Abaı mereıtoıy: El óńirleri Semeı qalasyn abattandyryp jatyr Frantsııada Abaı murasyn nasıhattap júrgen qazaq qyzy mádenıet salasynyń úzdigi atandy

Qazaqstan elshisi S.Ábdikárimov óz sózinde Ázerbaıjan basshylyǵyna Baký qalasynyń kósheleriniń birine shyǵarmashylyq murasy qazaq halqynyń rýhanı baılyǵy sanalatyn, bolashaq urpaq úshin mańyzy zor Abaı Qunanbaevtyń esimin bergeni úshin rızashylyǵyn bildirdi.

Sondaı-aq, ol mereıtoılyq jyldyń Prezıdent Qasym-Jomart Toqaevtyń «HHІ ǵasyrdaǵy Abaı jáne Qazaqstan» maqalasymen, sondaı-aq halyqaralyq jáne ulttyq deńgeıde uly qazaq aqyny jáne aǵartýshysynyń 175 jyldyq mereıtoıyn atap ótý jónindegi tıisti jarlyǵymen bastalǵanyn atap ótti.

«Abaı shyǵarmalaryna toqtala otyryp, biz onyń árdaıym ulttyń damýy men órkendeýine úles qosqanyn kóremiz. Ol qazaq halqynyń tynymsyz bilim alyp, damyǵanyn shyn júrekten tiledi. «Ǵylym tappaı maqtanba», – dep, bıikterge jetý úshin bilim alý qajettiligi týraly aıtty. Abaı qazaqtardy balalaryn mektepterge berýge shaqyrdy. Metsenattar tabylyp, Baıanaýylda, Jetisýda mektepter ashyldy. Úzdik oqýshylar Máskeý men Sankt-Peterbýrgte bilimin jalǵastyrdy. Onyń shákirtteri qazaq halqynyń jerge quqyǵy úshin, ózin-ózi basqarýy úshin, ulttyq mádenıet pen dástúrdi, tildi saqtap qalýy úshin kúresken «Alash» partııasynyń quramynda boldy», - dep atap ótti elshi.

«Búginde búkil túrki álemi qazaq halqynyń uly, búkil túrki áleminiń kórnekti qaıratkeri, aqyn, aǵartýshy, kompozıtor, qoǵam qaıratkeri Abaıdyń mereıtoıyn atap ótýde. Onyń tulǵasy, bizge qaldyrǵan orasan zor murasy, shyǵarmalary qazaq halqynyń ulttyq sanasyna baǵa jetpes úles qosty, sondaı-aq túrki áleminiń halyqtaryna da úlken áser etti. Búgingi Abaıdyń eskertkish taqtasynyń ashylýyna jáne osy bastamaǵa úlken yqylaspen qoldaý bildiremin. Bul - qazaq jáne ázerbaıjan halqynyń dostyǵynyń beınesi», - dedi Halyqaralyq túrki mádenıeti men murasy qorynyń prezıdenti G. Efendıeva.

Abaıdyń týǵan kúnine oraı, qazaqstandyq dıplomattar qarapaıym syılyq retinde memorıaldyq taqtanyń janyna Baký turǵyndarynyń demalýyna arnalǵan oryndyqtar ornatty. Aktsııa Abaıdyń óleńi men ánine jazylǵan «Jelsiz túnde jaryq aı» mýzykalyq shyǵarmasymen aıaqtaldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janat Qapalbaeva
Janat Qapalbaeva
954-059

MURAǴAT