Bakterııalardyń anyqtalýyna baılanysty Almatydaǵy Saıran kóli qurǵatylady
2022 jylǵy 2 shilde 17:52

Bakterııalardyń anyqtalýyna baılanysty Almatydaǵy Saıran kóli qurǵatylady

ALMATY. QazAqparat – Saıran kólinen ishek taıaqshalary anyqtaldy. Bul týraly Almaty qalasy sanıtarııalyq-epıdemıologııalyq baqylaý departamenti málim etti, dep habarlaıdy QazAqparat tilshisi.

Osyǵan baılanysty Almaty qalasy Tótenshe jaǵdaılar departamentiniń hatyna sáıkes jáne sanıtarııalyq-epıdemıologııalyq baqylaý departamentiniń nusqaýymen sý qoımasyn tolyq kólemde qurǵatý týraly sheshim qabyldandy.

«Sýdan tolyq bosatý úshin 2-3 kún ketedi. Lastaný kózin anyqtaý jáne tıisti sharalardy qabyldaý úshin aýdan ákimdikteriniń (Almaly, Áýezov), polıtsııa bóliminiń, aýdandyq sanıtarııalyq-epıdemıologııalyq baqylaý bólimderiniń, tótenshe jaǵdaılar departamentiniń mamandary men ekologtar arasynan jumys komıssııasy quryldy. Almatylyqtar men qala qonaqtarynan aldaǵy kúnderi sýǵa túsýden bas tartýdy suraımyz», - delingen habarlamada.

Departament taratqan málimetke sáıkes, bul kezeńde rezervýar túbin bıologııalyq jáne hımııalyq tazalaýdyń qosymsha arnaıy ádisteri qajet emes.

Lastaný kózi anyqtalyp, arnaıy komıssııa jumysy aıaqtalǵan soń Saıranǵa sý qaıta toltyrylady.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT