BAQ ókilderine QR Prezıdentiniń syılyqtary men granttary tabystaldy
2022 jylǵy 25 maýsym 12:49

BAQ ókilderine QR Prezıdentiniń syılyqtary men granttary tabystaldy

NUR-SULTAN. QazAqparat - Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtary men granttary tabystaldy, dep habarlaıdy Aqorda.

Saltanatty shara barysynda Prezıdent Ákimshiligi Basshysynyń orynbasary Aıda Balaeva Prezıdent syılyǵy men grantynyń ıegerlerin, Alǵysyn alǵan shyǵarmashylyq ujymdardy quttyqtady.
Memleket basshysynyń Ókimimen Qazaqstan Respýblıkasy Prezıdentiniń syılyǵy «Qazaq radiosy» radıostantsııasynyń bas redaktory Dýlat Abıbýllaevqa, «31 arna» teleradıokompanııasynyń tilshisi Erqanat Kópjasarulyna, «Indýstrıalnaıa Karaganda» gazetiniń bas redaktory Oksana Mıagkıhke jáne «Qazaqstan» ulttyq telearnasynyń dırektory Erkin Muhamedjanovqa berildi.


Prezıdent granttaryn «Jetisý» telearnasynyń redaktory Sánııa Baıtarova, «Almaty» teleradıokompanııasynyń arnaıy tehnıka operatory Dıasken Baıtıbaev, «Habar 24» telearnasynyń júrgizýshisi Ánýarbek Birimjanov, «Baigenews.kz» aqparat agenttiginiń tilshisi Jadyra Jolmuhametova ıelendi.


Qazaqstan Respýblıkasy Prezıdentiniń Alǵysy «Adyrna» ulttyq portalynyń, «Ashyq alań» qoǵamdyq-saıası tok-shoýynyń, «Astana» radıosynyń, «Vechernıaıa Astana» qoǵamdyq-saıası gazetiniń shyǵarmashylyq ujymdaryna tabystaldy.


Jańalyqtar

Úrdis

MURAǴAT