+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Baǵdat Mýsın Tsıfrlandyrý mınıstrliginiń aldyna qoıylǵan basty mindetti atady

2020 jylǵy 12 qyrkúıek 13:10
Bólisińiz:
Baǵdat Mýsın Tsıfrlandyrý mınıstrliginiń aldyna qoıylǵan basty mindetti atady

NUR-SULTAN. QazAqparat – Tsıfrlyq damý, ınnovatsııalar men aeroǵarysh ónerkásibi mınıstri Baǵdat Mýsın Prezıdent Joldaýy aıasynda ózi jetekshilik etip otyrǵan vedomstvonyń basty maqsatyn atady, dep habarlaıdy QazAqparat tilshisi.

«Prezıdenttiń Joldaýyna bir qujat kúıinde ǵana qaramaý kerek. Sebebi Memleket basshysynyń buǵan deıingi aıtqan sózderi men kótergen bastamalary osy Joldaýdy tolyqtyryp tur. Bizge qatysty eń basty aıtylǵany tsıfrlandyrý – búkil reformanyń bazalyq elementine aınalýy tıis. Bul – maqsatqa jetýdegi qural. Ártúrli saladaǵy mejelerge jetý, memlekettik basqarý júıesin jańǵyrtý sekildi salalarda tsıfrlyq maqsattar bar. Al bizdiń maqsat – shynynda da búkil reformalar protsesin jedeldetetin bazalyq elementke aınalý. Jalpy Memleket basshysy bizge júktegen protsesterdi jedeldetetin bazany qurýymyz kerek», - dedi Baǵdar Mýsın Prezıdenttik jastar kadrlyq rezervindegi azamattarmen kezdesý barysynda.


Mınıstr Memleket basshysynyń onlaın-petıtsııalar týraly aıtqan bastamasy qoldaýǵa ıe bolǵanyn, ony ázirleýge ózi jetekshilik etetin mınıstrlik Aqparat jáne qoǵamdyq damý mınıstrligimen birge atsalysatynyn jetkizdi.

«Data-ortalyqtar men maınıngti ister boıynsha biz Qazaqstanǵa 500 mlrd teńge ınvestıtsııa tartýymyz kerek. Sonymen qatar, Prezıdent bizge ІT-salany ónerkásip salasyna jaqyndatýdy júktedi. Álem ekojúıe startapyn qalyptastyrý fazasyna ótip ketti. Osynaý qatty jyldamdyqpen kele jatqan álemdik trendten biz de qalysqymyz kelmeıdi. Shynynda da ekinshi whatsapp nemese qandaı da áleýmettik jeliler túrin oılap tabýǵa bolady. Al biraq shyntýaıtynda biz memleket retinde óz basymdyqtarymyzdy aıqyndap alýymyz kerek. Ózimizdiń bazalyq resýrstarymyzdyń arqasynda qandaı da bir on úzdik salany alaıyq. Máselen munaı, taý-ken ónerkásibi salasynda Qazaqstan álemniń 10 nemese 20 úzdik memleketiniń qatarynda. Mine, biz ekojúıelerdiń startaptaryn osy ındýstrııaǵa jaqyndatqymyz keledi», - dedi ol.


Eske sala ketsek búgin elordada Prezıdenttik kadrlyq rezervtegi jastar birqatar mınıstrmen kezdesý ótkizdi. Naqtyraq aıtqanda iriktelip, rezervke engen jastarmen kezdesýge Aqparat jáne qoǵamdyq damý mınıstri Aıda Balaeva, Tsıfrlyq damý, ınnovatsııalar men aeroǵarysh ónerkásibi mınıstri Baǵdat Mýsın, Prezıdent ákimshiligi basshysynyń orynbasary Málik Myrzalın, sondaı Prezıdenttiń kómekshisi Erlan Qarın shaqyrylǵan. Basqosýdyń basty maqsaty – Prezıdent Joldaýyn talqylap, aldaǵy ýaqytta Prezıdenttik jastar kadrlyq rezervin damytyp, júzege asyrýdy josparlaý.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT